«Գոհ ենք մեր թեկնածուից և երբեք չեմ լսել, որ նա մեր բնակիչներից որևէ մեկի խնդրանքը մերժի». Ավանցիները Ռոբերտ Սարգսյանի մասին
Քաղաքականություն
Ռեյտինգային ընտրակարգով թիվ 1 ընտրատարածքում ՀՀԿ պատգամավորի թեկնածու առաջադրված Ռոբերտ Սարգսյանն այսօր նախընտրական քարոզարշավ էր անցկացնում Ավան վարչական շրջանում:
Նա շրջեց Աճառյան, Սայաթ-Նովա, Բրյուսով, Դուրյան թաղամասերում և պատասխանեց ընտրողների հարցերին:
Հանդիպումների ժամանակ թեկնածուն նշեց, որ իր պատգամավորության 4,5 տարիների ընթացքում ինքը մշտապես եղել է բնակիչների կողքին և ամեն կերպ փորձել է աջակցել նրանց:
«Մենք շատ չենք խոսում, բայց դրա փոխարեն, քրտանաջան աշխատանքի շնորհիվ կարողանում ենք բավականին շատ գործ կատարել: Եվ եթե ուզում եք այդ դուռը բաց մնա, ապա կարող եք կրկին ձեր քվեն տալ ինձ, որպեսզի մենք շարունակենք համատեղ աշխատել և շենացնել Ավան թաղամասը», - ասաց Ռ. Սարգսյանը:
Նա նաև տեղեկացրեց, որ Ավան վարչական շրջանի ղեկավարի հետ միասին անցկացվող ամենշաբաթյա հանդիպումներից բացի, ինքը նաև իր ընդունելության օրն ունի:
Եվ յուրաքանչյուր ամսվա վերջին հինգշաբթի օրը իր գրասենյակի դուռը բաց է, որտեղ նա մշտապես հանդիպում է քաղաքացիների հետ, տեղեկանում նրանց հուզող հարցերին և փորձում դրանց լուծման ուղիներ գտնել:
Նախընտրական բոլոր հանդիպումների ընթացքում ընտրողների կողմից հնչում էին գոհունակության ու շնորհակալական խոսքեր: Բոլորը միաբերան շեշտում էին, որ Ռոբերտ Սարգսյանն, իրոք մշտապես կանգնած է եղել ավանցու կողքին:Բացի այդ նաև օգնել է բոլորին:
Հարգանքն ու համակրանքն այնքան շատ էր, որ քարոզարշավի մասնակիցները նրան ծափերով էին դիմավորում: Քարոզարշավին մասնակցում էր նաև Ռոբերտ Սարգսյանի դասընկերոջ կինը, ով հպարտությամբ էր խոսում ոչ միայն իր, այլև ընտանիքի մյուս անդամների մասին:
«Գոհ ենք մեր թեկնածուից և երբեք չեմ լսել, որ նա մեր բնակիչներից որևէ մեկի խնդրանքը մերժի: Ռոբերտ Սարգսյանը և իմ ամուսինը զուգահեռ դասարաններում են սովորել և մինչ օրս շարունակում են ընկերություն անել: Այնպես որ շատ լավ ենք ճանաչում թե՛ իրեն և թե՛ իր ընտանիքին: Բոլորն էլ համեստ մարդիկ են և շատ հարգված են մերհ ամայնքում»,- ասաց քարոզարշավի մասնակից կանանցից մեկը: Նախընտրական քարոզարշավի ընթացքում տիրող ջերմ մթնոլորտը խոսում էր նաև այն մասին, որ համայնքի բնակիչներն իրենց հույսն իսկապես կապում են նրա հետ: Իսկ հանդիպման ընթացքում բնակիչների կողմից հնչեցվող գոհունակության խոսքերը վկայում էին այն մասին, որ պատգամավոր-բնակիչ կապն այնտեղ այնքան սերտ է ու կայուն, որ նույնիսկ նման ներկայացուցչական հանդիպումների ժամանակ չլուծված հարցերի մասին խոսելու կարիք չկար: Հավաքվածները միաբերան պնդում էին, որ իրենց նախընտրած թեկնածուն հենց Ռոբերտ Սարգսյանն է, որին էլ նրանք պատրաստվում էինը նտրել:
Հանդիպումներին ներկա է եղել ՀՀ ԱԺ պատգամավոր Գագիկ Մելիքյանը:
1
2
3
4
5
3
4
5
1
2
3
4
5
