Նազենի Հովհաննիսյանի ընտանիքը. (լուսանկարներ)

Նա ամենաքննարկվող հայ հայտնիներից է. նրա  յուրաքանչյուր գրառում կամ լուսանկար միանգամից տարածվում է համացանցում։ Ինչպես հայտնի ֆիլմում է ասվում է.  «Նա գեղեցկուհի է, դերասանուհի, հաղորդավարուհի, սպորտսմենուհի…»

Wnews.am-ը շարունակում է ներկայացնել հայ հայտնի անձանց ընտանիքները։ Այս անգամ ներկայացնում ենք  Նազենի Հովհաննիսյանին եւ նրա ընտանիքը։

Նազենի Հովհաննիսյանը ծնվել է 1982թ. հուլիսի 18-ին։

1998 թվականին ավարտել է Երևանի թիվ 139 միջնակարգ դպրոցը։ 7-ամյա երաժշտական կրթություն է ստացել Երևանի Ասլամազյանի անվան թիվ 11 դպրոցում։ 1998-2002 թվականներին սովորել է Երևանի թատրոնի և կինոյի պետական ինստիտուտի կինոյի և թատրոնի դերասան (երաժշտական ուղղությամբ) բաժնում (Արմեն Մազմանյանի արվեստանոց)։ Սովորել է նաև բեմական խոսքի արվեստ (Ա. Հեքեքյանի արվեստանոց)։

2001-2012 թվականներին աշխատել է Հայաստանի Հանրային հեռուստաընկերությունում (Հ1), որտեղ հեղինակել, վարել է բազմաթիվ հաղորդումներ, կրկնօրինակել է մի շարք ֆիլմեր, հոլովակներ, մեկնաբանել է բազմապիսի սպորտային, երաժշտական, մշակութային հաղորդաշարեր։ 2010 թվականին մեկնաբանել է «Եվրատեսիլ» միջազգային երաժշտական մրցույթը։

2010թ թվականից աշխատում է Երևանի Կամերային թատրոնում` որպես դերասանուհի։

2011թ թվականից` Երևանի թատրոնի և կինոյի պետական ինստիտուտում՝ որպես բեմական և հեռուստատեսային խոսքի դասախոս։ 2012թ թվականից աշխատում է Արմենիա հեռուստաընկերությունում (Արմենիա TV)՝ որպես հաղորդավարուհի։

Նազենի Հովհաննիսյանը բնակվում է հոր հետ։

Նրա հայրը Գարիկ Հովհաննիսյանն է։

Օրվա լավագույն սկիզբը– Հայրիկի հետ դիմավորելն է ։))))))

… Մայրիկի Շիրիմին այցելելը…Քույրիկներից կարոտն առնելը, Եկեղեցի գնալն ու Ընտանեկան օրը Վայելելը՜՜՜ Ահա երջանկության Պարզ բանաձև…,- ասում է դերասանուհին։

«Էնքան մե՜ծ երջանկություն է պարզապես գրկել Հայրիկիդ, շնչել նրա հետ նույն ռիթմով, զգալ քեզ երեխա, և գիտակցումից, որ քո ապրած ամեն վայրկյանը Նրանն է՝ ուրախանալ…խաղաղվել… ու տարածվե՜լ, տարածվել՜լ, տարածվել….». Նազենի Հովհաննիսյան

«Հորս համար ես նրա Տղա՜ն եմ:)) Միջնեկ քրոջիցս հետո իհարկե»,- կատակում է դերասանուհին։

Լուսանկարում՝ Նազենին է իր երջանկահիշատակ մոր եւ քույրերի հետ։

Դերասանուհու ավագ քույրը Սյուզան Հովհաննիսյանն է։

Նազենին՝քույրերի եւ զարմուհու հետ

Նազենին՝ավագ քրոջ հետ

Նազենի Հովհաննիսյանի միջնեկ քույրն Էդիտա Հովհաննիսյանն է։

Էդիտա Հովհաննիսյանը՝ որդիների հետ

Նազենի Հովհաննիսյանի մորեղբայրն Աշոտ Բլեյանն է։

Ստորեւ ներկայացնում ենք Նազենի Հովհաննիսյանի լուսանկարները՝ ընտանիքի եւ մտերիմների հետ։