Դեղի դոզան բարձրացրել են, երեխայի օրգանների վրա վատ է անդրադառնում. 15-ամյա Մանեին բուժում է հարկավոր. լուսանկար
Photo
Պարցիալ էպիլեպսիայով տառապող 15-ամյա Մանե Գյուլբանգյանին անհապաղ բուժում է հարկավոր Գերմանիայում, որի համար ընտանիքն անհրաժեշտ գումարը չունի: NEWS.am-ի հետ զրույցում նրա մայրը՝ Մերին, նշեց, որ աղջկա մոտ հիվանդությունն ի հայտ է եկել 11 տարեկանում, բժիշկները նշել են, որ հասունացման շրջանում հնարավոր է, որ հիվանդությունը նահանջի, սակայն, այն ավելի է բարդացել:
«Տեսան, որ հասունացումը դեր չի խաղում, սկսեցին դեղի դոզան բարձրացնել, որն էլ երեխայի օրգանների վրա վատ է անդրադառնում: Ասում են՝ կամ կանցնի, կամ ավելի կվատանա վիճակը, մենք 6 ամիսը մեկ գնում ենք հետազոտման, ոչ մի էական բան չեն ասում, միայն ցնցումների ժամանակ դեղի դոզա են ավելացնում»,-ասաց նա:
Նա նշեց, որ ընտանիքը որոշել է Մանեին տեղափոխել Գերմանիա, սակայն, հետազոտման եւ բուժման համար անհրաժեշտ գումարը չունի: Տիկին Մերիի խոսքով, Գերմանիայում Մանեի միայն հետազոտման համար հարկավոր է 7500 եվրո. «Դեռ միայն հետազոտման գումարը գիտենք, թե բուժման համար ինչքան է հարկավոր՝ չգիտենք, բայց ասել են, որ ավելի շատ է, քան հետազոտմանը»:
15-ամյա Մանեին օգնել ցանկացողները կարող են գումար ուղարկել «Ամերիաբանկում» Մանե Գյուլբանգյանի անունով բացված հաշվեհամարներին՝
1570024145870100 AMD
1570024145870101 USD
1570024145870158 RUB,
կամ զանգահարել նրա մորը՝ Մերիին՝ 099693142, 093693142 հեռախոսահամարներով:
1
2
3
4
5
1
2
3
4
5
1
2
5
