4 պրոցեդուրա, որոնցով պետք է սկսվի յուրաքանչյուրի օրը

1 Ապրիլ, 2017 21:00

Առողջությունը պահպանելու համար հարկավոր է շատ ուշադիր լինել: Գոյություն ունեն առողջությունն ամրապնդող բազմաթիվ պրոցեդուրաներ, սակայն նրանցից ամենաարդյունավետները առավոտյան իրականացվողներն են, որոնք շատ ժամանակ չեն խլում և անչափ օգտակար են:

Այս հարցում շատ մեծ նշանակություն ունի պարբերականությունը: Արդյունքի կարելի է հասնել միայն ամեն օր այս պրոցեդուրաներն անցկացնելու դեպքում: Սկզբում կարող է մի փոքր բարդ լինել, սակայն որոշ ժամանակ անց այս ապրելակերպը սովորություն կդառնան:

Առավոտյան պրոցեդուրաներ

1. Մաքրել լեզուն

Մենք բոլորս էլ առավոտյան լվանում ենք ատամները, սակայն հարկավոր է նաև անպայման մաքրել լեզուն: Լեզուն կարելի է մաքրել ատամի խոզանակով կամ հատուկ քերիչով: Լեզուն մաքրելով՝ մարդը ազատվում է այն բակտերիաներից, որոնք կարող են ներթափանցել ստամոքս և առաջացնել տարբեր հիվանդություններ: Բացի այդ, այդ բակտերիաները նաև հաճախ դառնում են բերանի խոռոչի հիվանդությունների կամ տհաճ հոտի պատճառ:

2. Մի բաժակ տաք ջուր խմել

Առավոտյան հարկավոր է լրացնել օրգանիզմի ջրի պակասը: Դրա համար անհրաժեշտ է տաքացնել հասարակ ֆիլտրված (բայց չեռացրած) ջուրը և խմել մեկ լիքը բաժակ՝ ավելացնելով մի կտոր կիտրոն կամ կիտրոնի հյութ: Ջուրն անհրաժեշտ է խմել ուտելուց 20 րոպե առաջ փոքր կումերով: Այն կարգավորում է մարսողությունը և նախապատրաստում է օրգանիզմը սնունդ ընդունելուն: Բացի այդ, այն բարելավում է նյութափոխանակությունը, նպաստում նիհարելուն և մաքրում լյարդը, իսկ կիտրոնի հյութը տալիս է մի շարք օգտակար միկրոտարրեր և վիտամիններ:

3. Սննդի ընդունումից առաջ մեղր ուտել

Առավոտյան նախաճաշից 10 րոպե առաջ մի թեյի գդալ բնական մեղր ուտելն ու ջուր խմելը էներգիա կհաղորդի, կբարելավի գլխուղեղի գործունեությունը և կբարձրացնի աշխատունակությունն ու իմունիտետը՝ շնորհիվ մեղրում պարունակվող օգտակար միկրոտարրերի և վիտամինների: Բացի այդ, այս միջոցը նաև օժտված է հակաօքսիդանտային հատկություններով, որոնք օգնում են օրգանիզմին կանխել ծերացումը:

4. Ողողել բերանի խոռոչը ջրածնի պերօքսիդի լուծույթով

Նախաճաշից հետո հարկավոր է ողողել բերանի խոռոչը ջրածնի պերօքսիդի լուծույթով, որը պատրաստելու համար անհրաժեշտ է 50 մգ մաքուր չեռացրած ջրին ավելացնել 5-7 կաթին ջրածնի պերօքսիդ (3%): Այս պրոցեդուրան հիանալի կանխարգելիչ միջոց է կարիեսի, լնդերի և ատամների հիվանդությունների համար: Բացի այդ, այն նաև կսպիտակեցնի ատամները և կազատի բերանի տհաճ հոտից: