Ահաբեկչության նախանշաններն ակնհայտ են. Պեսկովը Սանկտ Պետերբուրգի մետրոյում պայթյունի մասին
Միջազգային
Ռուսաստանի Դաշնության նախագահի մամուլի խոսնակ Դմիտրի Պեսկովի կարծիքով՝ երեկ Սանկտ Պետերբուրգի մետրոյի կայարաններից մեկում տեղի ունեցած պայթյունն ակնհայտորեն ահաբեկչության նախանշաններ ունի, գրում է gazeta.ru-ն:
«Իրավական տեսանկյունից՝ դեռևս չի կարելի խոսել ահաբեկչության մասին, սակայն ժամանակի ընթացքում վարկածների մաղմանը զուգահեռ հետաքննող մարմինները կկարողանան միանշանակ ասել, որ դա ահաբեկչություն էր»,-հայտարարել է պաշտոնյան:
Միևնույն ժամանակ, Պեսկովը հավելել է, որ թեպետ ահաբեկչության նախանշաններն ակնհայտ են, այնուհանդերձ՝ գոյություն ունեն հետաքննության որոշակի կանոններ:
«Պետք է համբերել, մինչ որ հետաքննությունը վարողները տեղի ունեցածը հենց այդպես որակեն»,-ասել է ՌԴ նախագահ Վլադիմիր Պուտինի մամուլի քարտուղարը: Բացի այդ, նա նշել է, որ վագոնը պայթեցրած մահապարտի մասին տեղեկությունը պետք է մեկնաբանեն իրավապահները:
Հիշեցնենք, որ երեկ Սանկտ Պետերբուրգի մետրոյի կայարաններից մեկում պայթյուն է տեղի ունեցել: Նախնական տվյալներով՝ զոհվել է տասնմեկ մարդ: Հաղորդվում է 50-ից ավելի վիրավորի մասին: Պայթուցիկ սարքերի հզորությունը տրոտիլային համարժեքով մոտ 200-300 գրամ է եղել։
Ըստ նախնական տվյալների՝ նրանց թվում ազգությամբ հայ չկա: Կա տեղի ադրբեջանական համայնքի 28-ամյա ներկայացուցիչ:
1
2
3
4
5
1
4
5
1
3
4
5
