Շան ամենակատաղի և չար 5 ցեղատեսակները

Կան շների ցեղատեսակներ, որոնց գեներում բացակայում են հանգստությունը և հանդուրժողականությունը: Այսպիսի շները մարդկանց վրա կարող են հարձակվել առանց որևէ պատճառի:

1. Կանարիական պրեսա

Այս շունը արտահայտիչ մկաններ, հսկայական թաթեր և ժանիքներ ունի: Ցեղատեսակի ներկայացուցիչները առանձնապես մեծ քաշ կամ հասակ չունեն, սակայն դա չի խանգարում նրանց հարձակվել մարդու ոտքի վրա և կծել այն: Կանարիական պրեսաները հաճախ օգտագործվում են որսի համար, այդ պատճառով էլ նրանց ծնված օրվանից սովորեցնում են հարձակվել բոլոր կասկածելի անձանց վրա:

2. Պապիլյոն

Այս երկար, ծիծաղելի ականջներով, փոքրիկ, դեկորատիվ շունն իրականում բարդ բնավորություն ունի: Նա կարող է մարդու ձեռքը կամ մատը կծել: Ոչ մեծ չափսերի վերջույթները չեն թողնում նրան մահացու կերպով կծել ուսը, սակայն դա շանը չի խանգարում: Այս ցեղատեսակի շները հաճախ են նյարդայնանում, բարձր սկսում են հաչել, այնուհետև միանգամից հարձակվում են զոհի վրա և կծում նրան: Հատկապես կարևոր է նրանցից հեռու պահել երեխաներին, քանի որ պապիլյոնը տանել չի կարողանում խաղերն ու գուրգուրանքները: Թվացյալ անմեղությունը հաշվի առնելով՝ երեխաները կարծում են, որ այս շունը անվտանգ խաղալիք է, սակայն պապիլյոնը արագ ցույց է տալիս, թե ով է տան «տերը»: Շատ դեպքեր են եղել, որոնց ընթացքում պապիլյոնները այգիներում հարձակվել և կծել են անցորդներին, դրա համար խորհուրդ է տրվում նրանց զբոսնելու տանել դնչկալներով:

3. Պիտբուլ

Այս ցեղատեսակը հայտնի է իր անվախությամբ և կոպտությամբ: Պիտբուլները զարգացած մկաններ ունեն, կարողանում են հեշտությամբ պայքարել ինչպես իրենցից չափսերով ավելի մեծ շների, այնպես էլ մարդկանց դեմ: Հիմնականում կծում են պարանոցի հատվածից՝ ձգտելով հասնել քներակներին: Այս շները հարձակվում են առաջինը. նրանց առիթ հարկավոր չէ: Այս ցեղատեսակը ստեղծված է հիմնականում շների մարտերի համար:

4. Ռոտվեյլեր

Այս շները կշռում են մինչև 60 կգ, այդ պատճառով էլ նրանց դեմ չի կարողանում պայքարել ոչ մի մրցակից: Ցեղատեսակը ստեղծվել է Գերմանիայում, և դրա հիմնական գործառույթը որս կատարելն էր, այդ պատճառով էլ ռոտվեյլերներն օգտագործվում են որպես պահակային շներ: Եթե պահում եք ռոտվեյլեր, ապա խորհուրդ ենք տալիս նրա հետ մեկտեղ այլ տնային կենդանի չպահել, քանի որ այս շները կատաղի են և չափազանց անհանդուրժող:

5. Գերմանական հովվաշուն

Այս շները հայտնի են իրենց զարգացած ինտելեկտով և ուժով: Հովվաշները օգնում են գտնել հանցագործներին, թմրանյութերով փաթեթներ են գտնում, կանխում են ահաբեկչական հարձակումները: Նրանք հեշտությամբ հարմարվում են ցանկացած թիմի: Սակայն այս շների ժանիքներից շատ մարդիկ են տուժել: Որպես կանոն՝ հովվաշունը չի հարձակվում առանց պատճառի: Եղել են դեպքեր, երբ հովվաշները հարձակվել են իրենց իսկ տերերի վրա, քանի որ վերջիններս սխալ շարժումներ են կատարել: Հանցագործին գտնելու փորձերի ժամանակ այս շները երբեմն մահացու են կծում, այդ իսկ պատճառով յուրաքանչյուր տիրոջ խորհուրդ է տրվում ուշադիր լինել շան վարժեցման ժամանակ: