Վարուժան Հակոբյանը և Ուեսլի Սոն ԱՄՆ առաջնության առաջատարներն են
Սպորտ
ԱՄՆ շախմատի առաջնության 8-րդ տուրում մրցաշարի առաջատարները մրցում էին միմյանց դեմ. Ուեսլի Սոն` Հիկարու Նակամուրայի, իսկ Վարուժան Հակոբյանը՝ Յարոսլավ Ժերեբուխի:
«Արմենպրես»-ի հաղորդմամբ` Ուեսլի Սո – Հիկարու Նակամուրա պարտիան կարճատև պայքարից հետո ավարտվեց ոչ-ոքի արդյունքով, իսկ ահա Վարուժան Հակոբյանը գեղեցիկ ոճով հաղթեց Յարոսլավ Ժերեբուխին: 8-րդ տուրում հաղթանակներ տարան նաև Ֆաբիանո Կարուանան, Ալեքսանդր Օնիշչուկը և Ջեֆրի Սյունը:
Վարուժան Հակոբյանն ու Ուեսլի Սոն վաստակել են 5-ական միավոր և գլխավորում են աղյուսակը: Ֆաբիանո Կարուանան, Հիկարու Նակամուրան, Ալեքսանդր Օնիշչուկը և Յարոսլավ Ժերեբուխը առաջատարներից ետ են մնում կեսական միավորով:
Կանանց առաջնության 8-րդ տուրում Տաթև Աբրահամյանը ոչ-ոքի խաղաց Յու Ջենիֆերի հետ: Կանանց մրցաշարում նույնպես երկիշխանություն է. Նազի Պայկիձեն և Սաբինա-Ֆրանչեսկա Ֆոյսորը վաստակել են 5.5-ական միավոր և գլխավորում են աղյուսակը: Տաթև Աբրահամյանը 4 միավորով գտնվում է 7-րդ հորիզոնականում:
1
2
3
4
5
1
2
3
4
1
2
