Էթիկետի 11 կանոն, որոնք պարտադիր պետք է իմանալ

Կարելի է արդյոք սեղանի շուրջ ատամները քչփորել, որտեղ է պետք դնել պայուսակը, ինչպես է պետք բարեւել մարդկանց եւ այլն։ Հասարակ հարցեր են, որոնք սակայն միեւնույն ժամանակ կարեւոր են՝ հասարակության մեջ ապրող մարդը պետք է իրեն պահել իմանա։ Կան էթիկետի կանոններ, որոնք պետք է իմանա յուրաքանչյուր մարդ։
Որոնք են դրանք՝

1, Երբ ռեստորան եք գալիս եւ տեսնում կտորից անձեռոցիկը, անմիջապես մի դրեք ծնկներին։ Նախ պատվերն արեք, հետո անցեք ըմպեիքներին, նոր միայն, երբ մատուցողը բերի ուտելիքը, կարող եք անձեռոցիկը դնել ծնկներին։ Ուտելիքը վերջացնելուց հետո այն վերցրեք ու դրեք ափսեի ձախ մասում։

2, Ապուրն ուտելիս եթե արդեն վերջացնում եք, այնպես մոտեցեք ափսեին, որ հանկարծ ձեր վրա ապուր չթափվի։

3, Եթե ուտելիս ինչ-որ բան է մնացել ձեր ատամների արանքում, մի շտապեք ձեռքըվերցնել ատամի չոփերը։ Դա պետք է արվի միայն զուգարանում, ինչպես նաեւ մազերը սանրելը, շրթներկ քսելը եւ այլն։

4, Հյուր գնալիս կամ աշխատասենյակում մի բացեք անձրեւանոցն ու բաց վիճակում չորացրեք, դա կարող եք միայն ձեր տանն անել։

5, Թատրոնում կամ կինոթատրոնում դեպի ձեր տեղը գնալիս դեմքով շրջվեք արդեն նստածներին։

6, Եթե հասարակական վայրում ձեր ուղեկիցը անծանոթ մեկին է բարեւում, դուք եւս պետք է բարեւեք նրան։

7, Անկախ նրանից, թե հարեւաններին ծանոթ եք, թե ոչ, շենքի տարածքում նրանց հանդիպելիս պետք է բարեւել նրանց։ Դրսում կարող եք չբարեւել, եթե չեք ուզում։

8, Ինչ ռեստորան էլ գնաք, հիշեք՝ թեյավճարը կազմում է ստացված գումարի 10 տոկոսը։ Չի կարելի թեյավճար թողնել ունեցած կոպեկները կամ ճմրթված թղթադրամ, դա անարգանք է մատուցողի հանդեպ։