Հնում Վարդավառի տոնը կապում էին հայկական դիցարանի ջրի, սիրո, պտղաբերության ու գեղեցկության աստվածուհի Աստղիկի հետ (Լուսանկարներ)

Արթուր Հայրապետյանը ֆեյսբուքյան իր էջում գրում է.

Հնում Վարդավառի տոնը կապում էին հայկական դիցարանի ջրի, սիրո, պտղաբերության ու գեղեցկության աստվածուհի Աստղիկի հետ։ Վարդավառի տոնը նշվում էր ժողովրդական մեծ հանդիսություններով։ Աստղիկին վարդեր էին նվիրում, աղավնիներ էին բաց թողնում և միմյանց վրա ջուր ցողում։ Ջուր ցողելու սովորությունը պահպանվել է նաև մեր օրերում։

Վարդավառի խորհուրդը նաև եղել է ջրի պաշտամունքը, երբ աղերսել են արգասավորությունն ու պտղաբերությունը հովանավորող ուժերին։ Վարդավառը, կամ Քրիստոսի Պայծառակերպությունը, Հայ Առաքելական Եկեղեցու հինգ տաղավար տոներից է: Վարդավառը նշվում է Զատիկից 14 շաբաթ (98 օր) անց։ Վարդավառը, կամ Քրիստոսի Պայծառակերպությունը, Հայ Առաքելական Եկեղեցու հինգ տաղավար տոներից է։

Տոնը նշվում է Սուրբ Զատիկից 98 օր հետո՝ հունիսի 28-ից օգոստոսի 1-ն ընկած ժամանակահատվածում։ Արարատյան Հայրապետական թեմը, առաջնորդական փոխանորդ տ. Նավասարդ արքեպիսկոպոս Կճոյանի օրհնությամբ, ԱՀԹ երիտասարդաց միությունների երիտասարդները այս տարի առաջին անգամ մեծ շուքով Վարդավառի տոնը տոնեցին Ս. Աննա եկեղեցու բակում: Միջոցառումը սկսվեց տերունական աղոթքով: Թեմի երիտասարդները պատրաստել էին խնդուն, խնդուն, որը զարդարված էր` կարմիր-կանաչ խնձորներով, վարունգներով և վարդերով:

Ողջ երեկոյի ընթացքում ազգային երգն ու պարը, ժողովրդական պարի խումբը ուղեկիցը դարձավ մեզնից յուրաքանչյուրին, պարգևելով խինդ-ուրախություն, որտեղ Վարդավառի ողջ խորհուրդն ու գեղեցիկ սովորությունը վերապրեցինք: Ամեն բան շատ նուրբ ու գունեղ էր... Վարդավառը նաև բերքահավաքի հետ կապվող առաջին տոներից էր, որի ծեսերը մասամբ նվիրված էին բերք ու բարին ապահովող աստվածություններին։ Այս ողջ ավանդույթը պահելով թեմի երիտասարդները վարդաջուր ցողեցին ներկաների վրա, քաղցրավենիք բաժանեցին... իսկ միջոցառման գրեթե ավարտին աղավնիներ բաց թողնվեց ազատ երկինք, որը Վարդավառի տոնի ամենագեղեցիկ հանդիսություններից մեկն էր:

ԱՀԹ թեմական ծրագրերի համակարգող Հասմիկ Միրզոյանը նշեց, որ այս տարի Վարդավառի տոնը առաջին անգամ Արարատյան Հայրապետական թեմի երիտասարդները ժողովրդականացրեցին: Ինչպես Բարեկենդնը դարձավ երևանյան համաժողովրդական տոներից մեկը, այնպես էլ Վարդավառը կդարձնենք մեր ժողովրդի համար գեղեցիկ տոն: Իսկ առաջնորդանիստ Ս. Սարգիս եկեղեցու հոգևոր հովիվ տ. Պետրոս ավագ քահանա Մալյանն էլ ավելացրեց, որ չասեք, թե Հայ Առաքելական Սուրբ եկեղեցին չի անրադառնում մեր ազգային կամ ժողովրդական սովորություններին և ավանդություններին:

Ապրենք օրվա խորհդով...