Ինչ է նշանակում ապրել կնոջ հետ

Օրինակ, ես չգիտեի, որ կանանց երկար վարսերը ոչ միայն գեղեցիկ են ու կանացի, այլեւ իմ կողմից որոշակի ուշադրություն են պահանջում: Երբ նա իմ կողքին է, ես պետք է հիշեմ, որ առաջին հերթին նրա մազերը պետք է հեռացնել բարձի վրայից, հետո միայն նրան մոտենալ: Դա ժամանակի հետ սովորություն է դառնում:

Ես  չգիտեի, որ եթե նա վատ տրամադրություն ունի, ապա հարկավոր է անպայման նրան գրկել, հասկանալ՝ ինչումն է խնդիրը, իսկ հետո հանգստացնել: Ինձ մոտ այլ է: Երբ ես վատ եմ զգում, չեմ սիրում, երբ հարցեր են տալիս, փորձում մտնել հոգուս մեջ. այդպիսի պահերին ինձ հարկավոր է ինքնուրույն վերապրել դա:

Ես չգիտեի, որ եթե նա ինձնից օգնություն չի խնդրում, սպասում է, որ ես ինքս առաջարկեմ: «Ինքս կանեմ, ձեռք մի տուր»: Ոչ, նա չի կարող: Ավելի շուտ՝ սպասում է, թե երբ ես կպնդեմ իմը: Ի դեպ, եթե նրան թույլ չեք տալիս ավելի ծանր բան բարձրացնել, քան վարդերի փունջն է, ուրեմն ժամանակի հետ կնկատեք, որ նրա մոտ հազվադեպ է վատ տրամադրություն լինում ու նա ավելի հաճախ է ժպտում:

Ես չգիտեի, որ կինը ոչ միայն սիրուհի չէ, որի հետ կարելի է կիսել անկողինը, այլեւ լավ ընկեր է, որին պետք է ուշադիր լսել: Կինը հանելուկ չէ, ոչ: Իմ յուրաքանչյուր հարցին ես կարող եմ պատասխան ստանալ, եթե մի փոքր ուշադիր լինեմ: Նա միշտ ասում է՝ ինչ է իրեն հարկավոր: Տարօրինակ է, որ տղամարդիկ ասում են, թե չգիտեն, ինչ է ուզում կինը: Ավելի շուտ՝ նրանք չեն ցանկանում իմանալ:

Ես չգիտեի, որ հարաբերությունները միայն ես չեմ, այլ ես՝ քառակուսու մեջ:  Յուրաքանչյուրը պետք է անի իր քայլը, քանի դեռ շուրթերով չեք հանդիպել: Եթե դու տեղում կանգնած  ես մնում, իսկ մյուսը մշտապես ընդառաջ է գալիս, ապա մի օր դու նրա հետեւում կմնաս: Յուրաքանչյուրն իր քայլը պետք է անի:

Ես չգիտեի, որ զգացմունքները ոչ թե գոտկատեղից ներքեւ են, այլ մատների ծայրերին, որոնցով դու դիպչում ես նրան: Եւ եթե տավիղը նվագում է, ուրեմն դու հաջողել ես: