7 խորհուրդ փոքրամարմին աղջիկներին՝ կատարյալ տեսք ունենալու համար

Փոքրամարմին ու կարճահասակ աղջիկները հաճախ դժվարանում են իրենց մարմնին համապատասխան հագուստ գտնել կամ այն այնպես համադրել, որ կատարյալ տեսք ունենան։

Adme-ի ոճաբանները կարճահասակ ու փոքրամարմին աղջիկներին հորդորում են օգտվել այս խորհուրդներից։ Դրանց շնորհիվ կարող եք ավելի յուրահատուկ ու օրիգինալ տեսք ունենալ։

1.      Շապիկ ու կիսաշրջազգեստ։ Կատարյալ տեսք ունենալու համար պետք է հաշվի առնել մարմնի կառուցվածքը։ Կիսաշրջազգեստի վրա ընկնող շապիկը կարող է մարմիը վիզուալ կերպով երկու մասին բաժանել, իսկ ոտքերը կարճացնել։ Այդ պատճառով էլ խորհուրդ է տրվում այն կիսաշրջազգեստի տակ դնել։ Այդպես մարմինն ավելի նուրբ տեսք կստանա, իսկ ոտքերն ավելի երկար կերևան։

2.      Գոտիներ ու կոշիկներ։ Փոքրամարմին աղջիկներին խորհուրդ է տրվում մարմնի գույնին համապատասխան կոշիկներ հագնել, քանի որ կոպիտ կամ այլ գույնի կոշիկները կարող են մի քանի սանտիմետր հանել ձեր հասակից։ Խուսափեք շատ լայն ու վառ գոտիներից, քանի որ դրանք ևս մարմինը երկու մասին են բաժանում։

3.      Բաճկոններ։ Կարճահասակ ու փոքրամարմին աղջիկները պետք է խուսափեն մեծ չափսի  ու երկար բաճկոններից։ Նախապատվությունը տվեք կարճ ու ձեր չափսին համապատասխան հագուստին։ Ինչպես նաև խուսափեք մեծ պայուսակներից, քանի որ դրանք միայն ծանրացնում են ձեր կերպարը։

4.      Վերարկու։ Երկար վերարկուի օգնությամբ կարող եք ավելի բարձրահասակ երևալ, սակայն պետք է խուսափել մեծ դետալներ ու զարդարանքներ ունեցող վերարկուներից։ Ինչպես նաև նախապատվությունը տվեք բաց գույներին։

5.      Զգեստ։ Լայն զգեստները վիզուալ կարճահասակ են դարձնում, դրանք ավելի շատ համապատասխանում են բարձրահասակ աղջիկներին։ Նախապատվությունը տվեք կիպ զգեստներին։

6.      Գույներ։ Հակադիր գույները մարմինը երկու մասին են բաժանում։ Նախապատվությունը տվեք նման կամ մոտ երանգների հագուստին։

7.      Ջինսեր ու շապիկներ։ Կարճահասակ աղջիկների համար լավագույն տարբերակը կարճ շապիկն է։ Համադրեք այն բարձր գոտկատեղ ունեցող ջինսերի ու բարձրակրունկ կոշիկների հետ։