Տիգրան Սարգսյանի ժառանգությունը կարող է մշտնջենական մեռելոցի մատնել մեր ողջ տնտեսությունը

Գուրգեն Վարոսյանը ֆեյսբուքյան իր էջում գրում է.

Տիգրան Սարգսյանին հիմա ավելի շատ հիշում են մեռելոցների համար, մինչդեռ նրա «շնորհաշատ» կառավարման առաջին լուրջ պտուղները նոր են սկսել նշմարվել ու դրանց համամետ մեռելոցների հարցը ոչ մի բան է։

Օրինակ, օրերս հայտնի դարձավ, որ համաձայն «The Guardian» և Business Insider պարբերականների, Հայաստանն այսուհետև պարտքային ճգնաժամ ունեցող երկրների շարքում է՝ Հունաստանի, Ուկրաինայի, Կիպրոսի, Իռլանդիայի, Իսպանիայի, Պորտուգալիայի, Չեռնոգորիայօ, Լիբանանի, Մակեդոնիայի, Հորվաթիայի, Թունիսի ու մի շարք այլ երկրների հետ համատեղ։

Սա հետևանք է նրա, որ մենք 2008-ից ի վեր ապաշքյարա պարտքեր էինք անում, ինչի արդյունքում մեր արտաքին պարտքը գրեթե կրկնապատկվեց ու սա դեռ արդարացված կլիներ, եթե այդ գումարներով իրապես ինչ որ օգտակար բան արվեր, գործարաններ կառուցվեին, ենթակառուցվածքներ զարգացվեին... բայց ինչպես տեսնում ենք, զհարս էլ չեն արել, իսկ միակ ոլորտը, որ «զարգացավ»՝ բանկայինն է, այն էլ բանկերը պարզապես մակաբույծներ են ու վաշխատռուներ մեր տնտեսության մարմնի վրա ու ոնց աստղաբաշխական տոկոսադրույքերով էին աշխատում, այնպես էլ շարունակում են։

Հիմա ողջ հարցը կայանում է նրանու, թե երբ կլինի փոխարժեքային հերթական տատանումը ու որքանով իշխանությունները վճռական կլինեն դրանում հակազդելու հարցում, որովհետև այսպիսի դինամիկայով, ամեն հաջորդ ցնցում ավելի շոշափելի արդյունքներ է ունենալու մեր վճարունակության վրա, իսկ բնակչության պարագայում՝ նաև գնողունակության։ Ամեն դեպքում, ակնհայտ է, որ առանց կարդինալ փոփոխությունների ու հայեցակարգերի վերնայման, Տիգրան Սարգսյանի ժառանգությունը կարող է մշտնջենական մեռելոցի մատնել մեր ողջ տնտեսությունը։