Ինչու էին Հիտլերի կանայք ինքնասպանություն գործում (լուսանկարներ)

Ադոլֆ Հիտլերի սեռական կողմնորոշման մասին տարբեր տեսակետներ կան, որոնց թվում, ինչ խոսք, քիչ չեն լինի հորինվածքները. նացիստ առաջնորդն անձնական կյանքի մանրամասները չէր բարձրաձայնում: Մի բան, սակայն, փաստ է. Հիտլերը սիրում էր գեղեցիկ սեռի ներկայացուցիչներին, ինչը փոխադարձ էր:

Այս անգամ ներկայացնում ենք նացիստ դիկտատորի՝ 1916-ից 1945 թթ.-ի սիրուհիներին և այն խելահեղ արարքները, որոնց նրանք դիմում էին հանուն Հիտլերի:

Նա գիտեր և օգտագործում էր կանանց վրա իր ունեցած ազդեցությունը: Պատահական չէ, որ կանայք եղել են Հիտլերի և իր կուսակցության ամենակարևոր հովանավորները: Սիրահարված կանայք հաճախ էին նրան գումարներ տալիս և կուսակցությունում մեծ ներդրումներ անում: Հայտնի են նաև Հիտլերի պատճառով ինքնասպանության մի քանի դեպքեր:

Շառլոտ Լոբժուա

Ֆրանսուհի Շառլոտ Էդոկսի Ալիդա Լոբժուան Ադոլֆին առաջին անգամ հանդիպել է ընդհանուր ընկերների տանը 1916 թ.-ին: Այդ ժամանակ աղջիկը՝ 18, իսկ Հիտլերը 27 տարեկան էր: Նա համարվում է Գերմանիայի ֆյուրերի «առաջին սերը»:

1917 թ.-ի սեպտեմբերի 30-ին Հիտլերը արձակուրդ է ստանում և վերադառնում Շպիտալ՝ հարազատների մոտ: Այդ օրվանից Շառլոտը նրան այլևս չի տեսնում:

1918 թ.-ի մարտին Շառլոտն իր ընկերների տանը լույս աշխարհ է բերում որդուն՝ Ժան Լորեին: Համարվում է, որ Ժանը եղել է Հիտլերի երեխան:

Գելի Ռաուբալ

Գելին Հիտլերի հարազատ քրոջ դուստրն էր: Նա Հիտլերից փոքր էր 19 տարով:

Նրանց միջև կապը շարունակվել է 1925 թ.-ից մինչև աղջկա մահը՝ 1931 թ.: Մահից առաջ Գելին բնակվել է Հիտլերի մյունխենյան բնակարանում, որտեղ կարող էին մտնել միայն Ադոլֆն ու աղջկա դայակը:

Ռաուբալը ինքնասպան է եղել 1931 թ.-ի սեպտեմբերի 18-ին: Որոշ տվյալներով՝ այդ ժամանակ նա հղի է եղել:

Հիտլերը Գելիի մահից հետո դեպրեսիայի մեջ է ընկնում: Այդ դեպքից հետո նա բուսակեր է դառնում:

Մարիա Ռեյթեր

Մարիա Ռեյթերի հետ Հիտլերը ծանոթացել է 1926 թ.-ին: 1931-ից 1934 թթ.-ին պարբերաբար հանդիպել է ֆյուրերի հետ:

1927 թ.-ին Մարիան խեղդամահ է լինում Հիտլերի հանդեպ ունեցած սիրո պատճառով:

Յունիթի Վալկիրիա Միթֆորդ

Անգլուհի Յունիթի Միթֆորդը Հիտլերի հետ հանդիպել է 1934 -1935 թվականներին: Հետևել է Նացիստական գաղափարներին:

1939 թ.-ի սեպտեմբերի 3-ին, երբ իմացել է անգլիացիների կողմից Գերմանիայի դեմ սկսված պատերազմի մասին, ինքնասպանության փորձ է արել՝ երկու անգամ կրակելով գլխին: Ողջ է մնացել:

1948 թ.-ին մահացել է կրակոցի հետևանքով առաջացած մենինգիտից:

Եվա Բրաուն

Եվա Բրաունն առաջին անգամ Հիտլերին հանդիպում է 1929 թ.-ին վերջինիս մարտական ընկերոջ տանը: 1932 թ.-ին վերջնականապես դառնում է նրա սիրուհին: Մինչ ամուսնությունը՝ Եվան երկու անգամ փորձել է ինքնասպան լինել:

1945 թ.-ի ապրիլի 29-ին Մարտին Բորմանի և Յոզեֆ Գեբբելսի վկայությամբ՝ Եվա Բրաունն ու Ադոլֆ Հիտլերը պսակադրվում են:

1945 թ.-ի ապրիլի 30-ին Եվա Բրաունն ու Հիտլերը միասին իրենց համատեղ կյանքն ավարտում են ինքնասպանությամբ:

Որքան էլ զարմանալի թվա, այնուամենայնիվ, Ադոլֆ Հիտլերի սեռական կողմնորոշվածությունը նույնպես քննարկումների և բուռն վեճերի էպիկենտրոնում է եղել:

Նախորդ նյութում անդրադարձել ենք նրա սեռական կողմնորոշման մասին տեսակետներին: Որոշ պատմաբաններ կարծում են, որ նացիստ առաջնորդն իրականում հոմոսեքսուալ է եղել: