Ի՞նչ է պատմում ստորագրությունը Ձեր մասին

Ստորագրությունը ևս խոսում է տիրոջ բնավորության մասին:
1. Չափսը.
ա. լայն, խոշորատառ –օժտված եք գլոբալ մտածողությամբ:
բ. խիտ – օժտված եք կոնկրետ մտածողությամբ:
2. Երկարությունը.
ա. երկար – առկա է խնդիրների մեջ խորամուխ լինելու ունակություն. տոկունություն, անհարկի բծախնդրություն:
բ. կարճ – առկա է իրավիճակը ճիշտ ընկալելու և արագ կողմնորոշվելու ունակություն: Չեք հարմարվում միապաղաղությանը:
3. Տեսակը.
ա. կլորավուն – բնորոշ է մեղմություն, բարիություն, հավասարակշռվածություն:
բ.անհարթ, ծուռումուռ, անկյունավոր –բնորոշ է անհամբերություն, դյուրագրգռություն, կտրուկություն, անկախություն, պատվասիրություն, համառություն:
4. Տառերի հեռավորությունը.
ա. իրարից հեռու տառեր – ցույց է տալիս առատաձեռնություն, շռայլություն:
բ. «խիտ» ստորագրություն –ցույց է տալիս Ձեր տնտեսող որակները:
5. Տարբեր մասնիկների առկայություն.
ա. շրջանակ – բնորոշ է խնդիրներից ու գաղափարներից կառչելու հակումը:
բ. պտույտիկներ – բնորոշ է զգուշավորությունը և համառությունը:
6. Թեքվածությունը.
ա.դեպի ձախ –ցույց է տալիս վառ արտահայտված անհատականություն, քմահաճություն:
բ. դեպի աջ – ցույց է տալիս հավասարակշռվածություն, ըմբռնելու հակվածություն:
գ. ուղիղ – ցույց է տալիս զսպվածություն, շիտակություն, ուղղամտություն, խելացիություն:
դ. դեպի տարբեր կողմեր – ցույց է տալիս ծածկամտություն:
ե. «պառկած» տառեր – ցույց է տալիս հոգեկան լուրջ խնդիրների առկայություն:
7. Վերջնագծիկի ուղղությունը.
ա. դեպի վերև -բնորոշ է լավատեսությունը:
բ. դեպի ներքև – բնորոշ է հակվածություն հոռետեսությանը:
գ. ուղիղ – բնորոշ է հավասարակշիռ բնավորությունը:
8. «Պոչիկի երկարությունը».
Որքան «պոչիկը» երկար է, այնքան տվյալ անձը անհանդուրժող է ուրիշի կարծիքի հանդեպ: Դա նաև շրջահայացության ու զգուշավորության նշան է:
Որքան կարճ է «պոչիկը»` ստորագրության տերն այդքան անհոգ կամ անփույթ է:
9. Ստորագծումը (գծելը).
ա. ներքևից – ցույց է տալիս ինքնասիրություն, նեղացկոտություն, կախվածություն շրջապատի կարծիքից:
բ. վերևից – ցույց է տալիս հպարտություն, փառամոլություն:
գ. ստորագրության վրա – ցույց է տալիս ինքնաքննադատություն, դժգոհություն ինքն իրենից, կասկածամտություն:
10. Համաչափությունը.
ա. համաչափ տառեր –բնորոշ է հուսալիությունը:
բ.անհամաչափ – բնորոշ է անկայուն բնավորությունը, տրամադրության հաճախակի անկումները:
գ. թռիչքաձև – բնորոշ է զգացմունքայնությունը, անհավասարակշռվածությունը:
11. Բարդությունը.
ա. հասարակ –Սա ցույց է տալիս, որ մարդն ապրում է «խնդիրներ չկան» սկզբունքով:
բ. «ծանրաբեռնված» – Սա ցույց է տալիս, որ մարդը հաճախ հակված է «լուն ուխտ սարքել»:
գ. ինքնատիպ – Սա ցույց է տալիս ստեղծագործական մեծ ներուժը:
12. Պարզորոշություն (ընթեռնելիություն).
Որքան ավելի հասկանալի է ստորագրությունը, այնքան ավելի «բաց»` բացահայտ ու մատչելի է դրա տերը:
13. Հաստագիծ (գրիչը սեղմելով գրած) լինելը.
ա. չափից ավելի –բնորոշ է հարձակողականությունը:
բ. թույլ – բնորոշ է ծածկամտությունը:
գ. ուղիղ – բնորոշ է ինքնավստահությունը: