Պայքարում ենք տգիտության դեմ
Մովսես Դեմիրճյանը ֆեյսբուքյան իր էջում գրում է .
Օրվա ընթացքում ֆեյսբուքյան պատին իրար հետևից հայտնվում են հիմար լուրեր ահա այսպիսի վերնագրերով՝ «Ինչու՞ է կին լինելն ավելի լավ», «Ալհոկոլ ընդունած վարորդին տեղափոխեցին հիվանդանոց», «Ինչպե՞ս ներկել մազերը կարմիր, որ դրանք չդառնան կանաչ», «Աշխարհի ամենաեսիմինչ մարդկանց տասնյակը» և այլն:
Լավ, ասենք թե այդ էլեկտրոնային կայքի «լրագրողը» չի հասկանում, ինչ է գրում, բայց թողարկող «խմբագիրն» էլ չի տեսնու՞մ լուրերի վերնագրերում տեղ գտնող անհեթեթությունները: Օրինակ, առաջին լուրը՝ «Ինչու՞ է կին լինելն ավելի լավ», միանգամից հարց է առաջացնում ընթերցողի մոտ, թե ումի՞ց ավելի լավ է լինել կին: Ավելի լավ է կին լինել, քան տղամա՞րդ, թե՞ քան նախագահ, թե՞ քան Հռոմի պապ, թե՞ քան տգետ լրագրող:
Կարդում ես, և պարզվում է, որ վարորդը, որ ալկոհոլ էր ընդունել և տեղափոխվել հիվանդանոց, մեքենայով վթարի չի ընթարկվել և ընդհանրապես այդ օրը ղեկին չի եղել: Մարդ է, գնացել էր ծնունդ, անորակ օղի էր խմել, թունավորվել և հիվանդանոց տեղափոխվել, իսկ լրագրողին պարզապես մեկն ասել էր, որ նա աշխատում է որպես վարորդ:
Կամ որ գրում են՝ «Աշխարհի ամենաեսիմինչ մարդիկ», չեն մտածու՞մ, որ ամենա-ն գերադրական աստիճան է, և դրանից մեկ հատ է լինում, ոչ թե հինգ կամ տաս: Չկան աշխարհի ամենաբարձր սարեր, կա աշխարհի մեկ հատ ամենաբարձր լեռ, մյուսները պարզապես բարձր են և դրանից ցածր:
Տպավորություն է, որ որոշ կայքեր հանրությունը դեբիլացնելու հատուկ պատվեր են իրականացնում:
1
2
3
4
5
1
3
4
5
1
2
3
5
