Արման Նշանյանի սիրառատ նվերը կնոջը` Վիկային.life.tert.am

Life.tert.am-ը գրում է . 

Օպերային երգիչ, դերասան Արման Նշանյանը մի քանի օրից երկրպագուներին կներկայանա նոր տեսահոլովակով։ Երգիչն իր նոր աշխատանքի մանրամասները  լուսաբանելու բացառիկ իրավունքը վստահել է Tert.am Life–ին։ Մեր լուսանկարիչը ներկա է եղել տեսահոլովակի նկարահանումներին և ֆիքսել հետաքրքիր պահերը։

Արմանը կներկայացնի Առնո Բաբաջանյանի «Սիրո երգը»։ «Ես հին երգերը ժամանակակից շնչով ներկայացնելու շարք եմ արել` «Հայուհի գեղեցիկ», «Սիրեցի, յարս տարան» և այլն։ Որոշել եմ այդ շարքի երգերի հիման վրա տեսահոլովակներ նկարահանել։ Փորձում ենք երգերը ներկայացնել նորաոճ` պահպանելով արժեքները։ Ուզում եմ այդ երգերը չմոռացվեն»,– ասաց երգիչը։

Երգի մշակումն ու գործիքավորումն արել է Նիկ Էգիբյանը։ Տեսահոլովակի ռեժիսորը Արտյոմ Աբովյանն է, ոճաբանը` Արմեն Գալյանը։ Սյուժեի հիմքում հավերժ սերն է։ Նկարահանումներն իրականացվել են տրոլեյբուսում, որը խորհրդանշում է հին Երևանը։ Շատերի մոտ երգն ու տեսահոլովակը այն նոստալգիկ զգացողություններ կառաջացնեն և կհիշեցնեն իրենց սերը։

«Այստեղ կա հավերժ սիրո խորհուրդը։ Տեսահոլովակում ցույց ենք տալիս սերը տարբեր տարիքում։ Ես և Արտյոմ Աբովյանը մտածեցինք, որ Երևանի մասին երգի տեսահոլովակը պետք է նոստագիա առաջացնի։  Ցույց ենք տալիս, որ Երևանի հոգին մնացել է նույնը։ Ինձ հաճախ են ասում` Ամերիկայում ես մեծացել, ինչպես է ստացվել, որ այդքան խորացել ես նման բաների մեջ, նոստագիա ունես, դա իմ մեջ ներշնչել և ամրապնդել է տատիկս` Աննա Նշանյանը։ Նա ապրել է Հայաստանի  Ոսկեդարում  (Խորհրդային տարիներին հայկական մշակույթն այնքան զարգացած էր, որ այդ ժամանակաշրջանն ընդունված է  համարել երկրորդ Ոսկեդար, հեղ.)։ Իր ընկերներն են եղել Առնո Բաբաջանյանը, Էդվարդ Միրզոյանը, Պարույր Սևակը։ Ծնողներիս սերունդն էլ եղել են Խորեն Աբրահամյան և այդպիսի մեծություններ։ Այդ ամենը  ներարկվել է արյանս մեջ։ Դա, կարծես, իմ մանկությունը լինի, որին անգիտակցաբար անընդհատ  ձգտում եմ։ Փորձում եմ ամեն քարի տակից հանել Ոսկեդարը»– ասաց երգիչը։

Հավերժ սերը խորհրդանշող երգը Արմանը նվիրել է իր կնոջը` Վիկային` մատնանշելով իր մեծ սերը նրա հանդեպ։ «Սա այն քիչ երգերից է, որը սիրո, ոչ թե կորցրած սիրո մասին է։ «Սիրո երգը» պետք է նվիրված լինի այն մարդուն, ով քո կեսն է։ Երգն իմ զգացմունքներն է արտահայտում»,– ասաց նա։

Երգիչը պատմեց, որ իր քավրների շարքից կինն ամենաշատն այս երգն է հավանել։ «Երբ Վիկան լսեց այս երգը, շատ սիրեց, որոշեցի իրեն նվիրել այն։ Շատ ուրախացավ։ Կարծում եմ` հանրային մարդկանց կողակիցներն ունենում են նման ցանկություն, սակայն երբեք չեն բարձրաձայնում այդ մասին։  Հուսով եմ` ինքը շոյված է այս նվերից։»,– նշեց Արմանը։

Շարունակությունը՝ այստեղ :