Los Angeles Times․ Թուրքիայի նախագահի այցելությունը Վաշինգտոն բավականին լարված է լինելու

Հաջորդ շաբաթ Թուրքիայի նախագահ Ռեջեփ Էրդողանը մտադիր է Վաշինգտոն այցելել, ու չնայած Սպիտակ տան հայտարարության մեջ լարվածության ակնարկ անգամ չկար,  բայցեւայնպես երկու առաջնորդների հանդիպումը բավականին լարված է լինելու։ Այս մասին ասվում է Լորա Քինգի հոդվածում, որը հրապարակվել է Los Angeles Times թերթի կայքում։

Նախ Թուրքիան զայրացած է արձագանքել Սիրիայում քրդերին աջակցելու մասին Պենտագոնի հայտարարությանը։ Էրդողանը հույս էր հայտնել, որ ԱՄՆ-ն առաջին իսկ հնարավորության դեպքում կփոխի իր որոշումը։

Երկորրդ՝ Թուրքիայի սահմանադրական հանրաքվեում Էրդողանի հաղթանակը աշխարհում միանշանակ չի ընկալվել։ Թրամփը շտապել էր շնորհավորել Էրդողանին, դրսեւորելով իրեն որպես «ավտորիտար տրամադրված առաջնորդների երկրպագու»։

Օրակարգի եւս մեկ զգայուն հարց է Ֆեթուլահ Գյուլենի արտահանձնման պահանջը, որին Անկարան մեղադրում է անցած տարի Թուրքիայում պետական հեղաշրջման փորձ կազմակերպելու մեջ։ ԱՄՆ-ն մերժել էր այդ պահանջը, նշելով, որ դա իրավաբանական, այլ ոչ թե քաղաքական հարց է։ Էրդողանին զայրացրել է այդ մերժումը։ Նա համարում է, թե նախորդ նախագահ Օբաման բավականաչափ չէր աջակցում հեղաշրջման մեղավորներին պատժելու իր ձգտումը։ Ըստ հոդվածագրի, Էրդողանի այցելության նպատակը կարող է լինել Թրամփի հետ այս հարցում պայմանավորվելը՝ տարաձայնությունները բարդելով Օբամայի վրա։

Մեկ այլ զգայուն հարց է Մոսկվայի հետ Անկարայի հարաբերությունները։ «Նախկինում էլ է Թուրքիան Վաշինգտոնի հետ հարաբերությունների լարվածությանն արձագանքել Մոսկվայի կողմը շրջվելով»,- հիշեցնում է վերլուծաբանը։

Լորա Քինգգը նշում է, որ չնայած Թուրքիան ու Ռուսաստանը տարբեր դիրքորոշումներ ունեն Սիրիայում, երկու երկրները սկսել են համագործակցել Սիրիայում դեէսկալացիայի գոտիների ստեղծան հարցում, ինչին զգուշավորությամբ է վերաբերել Վաշինգտոնը, էլ չասենք այն մասին, որ Մոկսվան ու Անկարան քննարկում են հրթիռների մատակարարումներ։

Եվ վերջապես Թրամփը պաշտոնապես հայտնել է, որ հեռանում է բիզնեսից, սակայն նրա ֆինանսական շահերը Թուրքիայի հետ կապակցված են։ Չնայած Trump Towers Istanbul շենքերի համալիրը Թրամփին չի պատկանում՝ սակայն նա նախագծի մշակողի հետ պայմանագիր ունի։ Թրամփի որդիները, որոնք ղեկավարում են ընկերությունը, վերջերս անշարժ գույքի թուրքական ֆիրմայի հետ համատեղ սկսել են իրականացնել հյուրանոցային ցանցի նախագիծը։ Բացի դրանից ազգային անվտանգության հարցերով նախկին խորհրդական Մայքլ Ֆլինի եւ թուրքական կառավարության միջեւ ենթադրվող կապերը պատշաճ ձեւով չեն հետաքննվել ու այդ հարցն էլ որոշ անհարմարություն ստեղծում թուրք- ամերիկյան հարաբերություններում։