Ակտիվիստները ձեռնամուխ են եղել Բաղրամյանի ողջ դրական էներգետիկան զրոյացնելուն

1. Թռուցիկների բաժանում ողջ բնակչությանը, որտեղ բացատրվելու են պայքարի պատճառները ու բացատրելու են մարդկանց խաղաղ քաղաքացիական անհնազանդության պայքարի ձեւերը եւ հորդորելու՝ իրականացնել մարդաշատ խաղաղ հավաքներ Հայաստանի ողջ տարածքում։

2. 5 օրով արգելափակելու են Երեւանի եւ մյուս քաղաքների գլխավոր փողոցները։

3. Երրորդ փուլումկրկին կբաժանեն թռուցիկներ եւ կբացատրենք բոլորին, թե ինչու է անհրաժեշտ համակարգված եղանակով հրաժարվել վճարել կոմունալ, նաեւ հեռախոսակապի վարձերը այնքան ժամանակ, մինչեւ որ չբավարարվեն ժողովրդի պահանջները։

Կարելի է համաձայնվել, կամ էլ չհամաձայնվել պայքարի այս ձևերի հետ, կարելի է միանալ դրանց, կամ էլ անտարբեր մնալ։ Խնդիրը դա չէ։ Ի վերջո, «Ոչ թալանին» ախաձեռնության երեխաներին շատ դրական եմ վերաբերվում ու նույնիսկ եթե նրանք սխալվում են, հավատում եմ նրանց անկեղծությանը։

Սակայն արդեն հաջորդ օրը, այսինքն այսօր, սկսվեց իսկական կլոունադա, երբ պայքարիստ-ակԾիվիստների խմբակը, որն ուզուրպացրել էր Բաղրամյանի տրիբունը «Ոչ թալանինի» գնալուց հետո ու այնքան հարամություններ արել մի քանի օրերի ընթացքում,լ որ բառացիորեն մեկ շաբաթում կորցրել էր ողջ ժողովրդական աջակցությունը, որոշեց իսկական կլոունադայի վերածել այս ամենը։

Ուրեմն, այսօր տեղի է ունեցել երթ «Ոտքի Հայաստան» նախաձեռնության անդամների կողմից, իսկ նրանց համակարգող ու ձեռքի հետ էլ նաև մեծ հռետոր ու հեղափոխական, պոտենցիալ մեսսիա ու խիստ գրագետ Դավիթ Սանասարյանը փայլել է օրիգինալությամբ՝ հրապարակելով իրենց 3 կետից բաղկացած պահանջները.

1. Առաջին փուլով նախաձեռնությունը նախատեսում է ՀՀ բոլոր մարզերում բաժանել իրազեկման թռուցիկներ եւ իրազեկել տեղի ունեցածի վերաբերյալ։

2. Հինգ օր անընդմեջ փակ են պահելու մարզերից Երեւան բերող միջպետական նշանակության ավտոճանապարհները:

3. Հորդորելու են բոլոր քաղաքացիներին չվճարել էլեկտրաէներգիայի համար:

Ինչ է սա, եթե ոչ ծաղրածուություն։ Չեն կարողանում էլի մարսեն նախանձը ու չեն կարողանում զսպել իրենց ամբիցիաները։ Ու վատն այն է, որ այս իրավիճակը վարկաբեկում է քաղաքացիական պայքարը ու վաղը, երբ իրոք կարիք լինի կրկին փողոց դուրս գալու, շատ ավելի դժվար կլինի վերստինն նվաճել ժողովրդի վստահությունը։ Չայած, այս ամենում մի լավ բան էլ կա. կարծում եմ, որ մյուս անգամ առաջին բաներից մեկը, որ կարվի, դա Սանասարյանին ու պայքարիստներին շարքերից զտելը կլինի, որովհետև դրաք ի զորու են իրենց լուռ ներկայությամբ իսկ, պղծել ամեն լուսավոր ու դրական բան։