5 ամենաշատ քննարկվող ֆիլմերը , որոնք ցուցադրվելու են Կաննի 2017 կինոփառատոնում. ֆոտոշարք
Մայիսի 17-ին Ֆրանսիայում կայանալու է կինոաշխարհի ամենանշանակալի իրադարձություններից մեկը՝ Կաննի կինոփառատոնը: Հիշեցնենք որ այն այս տարի անցկացվելու է 70-րդ անգամ:
Tatler ամսագիրը առանձնահատուկ անդրադարձ է կատարել մեկնարկվող կինոփառատոնին՝ ներկայացնելով մրցութային ծրագրում ներառված 5 ֆիլմ, որոնց մասին առավել շատ է խոսվում ու քննադատվում:
Աղբյուրը տեղեկացնում է, որ ժյուրիի կազմն այս տարի գլխավորելու է իսպանացի կինոռեժիսոր և սցենարիստ Պեդրո Ալմոդովարը, իսկ բացման ու փակման արարողությունները վարելու այս մեծ առաքելությունը հանձնել են Մոնիկա Բելուչիին: Կինոփառատոնի փակումը տեղի է ունենալու մայիսի 28-ին:
1. «Ճակատագրական գայթակղություն»
Սոֆիա Կոպոլայի ֆիլմի սյուժեին բավականին ինտրիգային է. կանանց կրթօջախի սաները փրկում են վիրավոր զինվորին ու սիրահարվում նրան:
2. «Թվին Պիկս»
Անցած դարի 90-ականների ամենահայտնի սերիալներից մեկի՝ «Թվին Պիկս»-ի նոր եթերաշրջանը ցուցադրվելու է մայիսի 21-ից: Սակայն նախքան այդ սերիալի մոնտաժված դրվագները ցուցադրվելու են Կաննի կինոփառատոնում, ինչն արդեն սենսացիոն է:
3. «Իսմաելի ուրվականները»
Ֆիլմը սիրային եռանկյունու մասին է: Աղբյուրը նշում է, որ սովորաբար Կաննի կինոփառատոնի բացումն անում են աստղային կազմով հոլիվուդյան ֆիլմերը, սակայն այս անգամ բացառության կարգով ընտրվել է ֆրանսիացի ռեժիսոր Առնո Դեպլեշենի կինոնկարը:
4. «Սուրբ եղջերվի սպանությունը»
Հույն ռեժիսոր Յորգոս Լանտիմոսի ֆիլմում նկարահանվել են Քոլին Ֆառելն ու Նիկոլ Քիդմանը: Հայտնի է, որ ֆիլմի համաշխարհային պրեմիերան կայանալու է Կաննում:
5. «Ծովային վիշտ»
80-ամյա բրիտանուհի Վանեսա Ռեդգրեյվն սեփական գումարով վավերագրական ֆիլմ է նկարահանել միգրացիոն ճգնաժամի ու փախստականների մասին:
Անի Գևորգյան
1
2
3
4
5
3
4
5
2
3
4
5
