Դալիթա. «Ես բավականին լուրջ եմ վերաբերվում իմ ընտրած մասնագիտությանը» (15 Photo)

Blognews.am-ը գրում է . 

Երիտասարդ երգչուհի Դալիթան արդեն մեկ տարի է, ինչ սովորում է Հայաստանի Ամերիկյան համալսարանի ծրագրավորման բաժնում և իր հիմնական ժամանակը տրամադրում է դասերին: Օրեր առաջ երգչուհին լուսանկարվել է BlogNews.am-ի ֆոտոշարքում՝ ներկայանալով մի քանի կերպարներում, իսկ զրույցի ժամանակ պատմել ընտրած մասնագիտության, նոր նախագծերի մասին: 

Շատերը ծրագրավորողի աշխատանքը տղամարդու մասնագիտություն են համարում: Իմ քեռին ծրագրավորող է, ավարտել է Ամերիկյան համալսարանը,  ես էլ միշտ սիրել եմ  մաթեմատիկա առարկան: Քեռիիս տեսել եմ այդ աշխատանքն անելիս, ինձ էլ ոգեշնչել է  և ես էլ որոշել եմ այդ մասնագիտությունը: Իհարկե շատ բարդ է, բավականին շատ տնայիններ եմ ունենում, գրեթե ամեն շաբաթ քննություններ, բայց փորձում եմ հաղթահարել բարդությունները: Բավականին բարդ բաժին է, բայց ես իմ բնույթով շատ աշխատասեր եմ: Սկզբից շատ էի վախենում. ինձ ասում էին՝ դժվար կլինի, քանի որ իմ գրաֆիկը բավականին խիտ է: Բայց ես ոչ մի ջանք, չեմ խնայում և ոչ մի դաս բաց չեմ թողնում: 

Հայտնի մարդ լինելը ինչ խոսք պարտավորեցնում է ավելի լավ սովորել:  Սկզբից բոլորին թվում էր, որ եթե երգչուհի եմ կարող եմ հաճախ բացակայել, դասերին ներկա չգտնվեմ: Բայց ես չեմ օգտնվում այդ առավելությունից, որովհետև եթե ընտրել եմ այս ճյուղը, որոշում եմ կայացրել, պետք է մինչև վերջ գնամ, որպեսզի մարդիկ հասկանան, որ հենց այնպես չեմ եկել այստեղ: Ես բավականին լուրջ եմ վերբերվում իմ ընտրած մասնագիտությանը, ինձ համար երգը և իմ մասնագիտությունը նույնքան հավասար են, այդքան տարիներ իմ կարիերիա վրա աշխատել եմ, ու տառապել եմ` չեմ կարող ոչ մեկն էլ աչքաթող անեմ: 

Շատերը մտածում էին՝ երևի գլամուր կերպար եմ: Ես շառ առօրյա ոճով եմ գնում համալսարան, առանց դիմահարդարման, հասարակ շապիկով և տաբատով: Ինչը գուցե շատերի զարմացրեց: Հիմա ինձ անգամ ասում են, որ շատ ավելի փոքր եմ, տարբեր եմ: Սա մի քիչ այն պատկերից, թե ինչ էր սկզբում կատարվում համարսարանում, բայց ես ժամանակի ընթացքում ընտրեցի նաև իմ համալսարանական ընկերներին, ի դեպ ես նրանց հետ ծանոթացա, երբ միասին պարապում էինք ընդունվելու համար: 

Նոր առաջարկներ ունեմ, ցավոք քննություններից հետո չկարողացա մեկնել հանգստանալու: Պետք է մեկնեմ Մալթա երաժշտական փառատոնին Հայաստանը ներկայացնելու: Այս մրցույթին արդեն երկրորդ անգամ եմ մասնակցում: Հայերեն երգ եմ ներկայացնելու, ինչպես նաև փոփ ոճում մի երգ, քանի որ այնտեղ տարբեր ազգերի ներկայացուցիչներ են լինելու: Այս տարի շատ ավելի լուրջ մրցույթ է սպասվում: Նաև եղավ սիթքոմում նկարահանվելու,  բայց չեմ կարող մանրամասնել, քանի որ դեռ նախապատրաստական փուլում է ամեն ինչ: Դասերիս ընթացքում հասցրեցի մեկ-երկու տեսահոկովակ նկարահանել, ինչպես նաև երգ եմ գրել, որի թե բառերի և թե երաժշտության հեղինակն եմ: Երգեր գրելու փորձ ունեմ, բայց երաժշտություն առաջին անգամ եմ գրում, արդեն ժամանակն է, որ սկսենք գործիքավորումն անել: 

Երգի ասպարեզում ժանրային փոփոխություն գուցե անեմ:  Եթե ինչ որ բան հոգեհարազատ չէ, ես չեմ կարող անել: Ինձ ուրիշ ոճերում չեմ պատկերացնում, բայց կարծում եմ տարիքի հետ այն կփոխվի:

Ընտրածս մասնագիտությունից հետո, մի քիչ փոխվել են նաև նախասիրություններս: Օրինակ ոճային առումով սկսել եմ ավելի հանգիստ հագնվել, իսկ երգի առումով սկսել եմ ավելի շատ ռոք լսել, ինչպես նաև դասական: Առաջ լսում էի, բայց հիմա սկսել եմ ավելի շատ փորփրել, ուսումնասիրել: 

Երբ ազատ եմ լինում, պարտադիր պետք է հետուստացույց նայեմ:  Կարծես՝ կարոտում եմ հեռուստացույց նայելու հաճույքը, պարտադիր ֆիլմեր եմ նայում: Դասերիս ծանրաբեռնվածությունն այնքան շատ է, երբ ազատ ժամանակ եմ ունենում ընկերներիս հետ կինոթատրոն եմ գնում՝ նոր ֆիլմ դիտելու: Այնքան շատ է աշխատանքս, որ երբեմն ասում եմ՝ բա չգնաի հիմա կինո նայեի: Բայց իհարկե այս ամենը պետք է որ գոնե դու հասնես քո երազանքին:

Լինում է, որ ինձ կանչում են կորպորատիվ միջոցառումների: Տարբեր համերգային միջոցառումներ լինում են, ինչպես նաև կորպորատիվ բնույթի, բարեգործական միտում ունեցող համերգն ևս: Իհարկե դրանց շարքում կան շատ համերգներ, որոնք կարևոր են, իսկ եթե մերժում եմ, միայն այն ժամանակ երբ համընկնում է դասերիս հետ: 

Նյութը՝ Սիրանուշ Գրիգորյանի

Լուսանկարները՝ Կարեն Հովհանիսյանի 

Հագուստը՝ Quiz խանութ սրահի

Նկարահանումը իրականացվել է Ibis հյուրանոցում

Դիմահարդար և վարսահարդար՝ Մերի Մկրտումյան