Նաիրիտցիները աշխատավարձերը կստանան «փուլային», թե՞ «փաթեթային» տարբերակով

Ուշադրության կենտրոնում 16 Հուլիս, 2015 18:34

Նարե Սարգսյանը ֆեյսբուքյան իր էջում գրում է.

«Նաիրիտի» աշխատակիցները նախօրեին վաղ առավոտից հավաքվել էին «Նաիրիտ» գործարանի մոտ, և ենթադրում էին, որ պետք է լինի աշխատավարձերի մարում: Աշխատակիցներին «Նաիրիտից» պարզաբանել են, որ իրենք նախ պետք է համաձայնագիր ստորագրեն, որ աշխատավարձը ստանալուց, հետո իրենք այլևս որևէ պարտք ու պահանջ չեն ունենա «Նաիրիտի» հետ և դատարան չեն դիմի հավելյալ գումարներ ստանալու համար:

Նաիրիտցիները աշխատավարձ կստանան խումբ-խումբ, և նախատեսված է, որ շաբաթ օրը պետք է աշխատավարձ ստանա 200-300 մարդ: Գործարանի բոլոր աշխատակիցների աշխատավարձերի չվճարման հիմնական պատճառն այն է, որ ոմանց մոտ առկա են որոշակի հաշվարկային խնդիրներ, և հարկավոր է գումարների վերահաշվարկներ. այդ հանգամանքով է պայմանավորված, որ պարտքի մարման գործընթացը երկարաձգվում է ևս 15 օրով:

Կառավարության նիստին նախարար Զախարյանի այն հայտարարությանը, թե ամբողջական աշխատավարձը կարող են վճարել միայն այս ամսվա վերջում կամ այսօրվանից սկսած՝ մաս-մաս, նաիրիտցիները որոշել են, որ բոլորով միասին պիտի իրենց աշխատավարձերը ստանան, փուլ առ փուլի վճարելու տարբերակին համաձայն չեն: Նրանց չեն ուզում, որ իրենց միջև դրվեն խտրականություններ և պահանջում են, որ աշխատավարձի պարտքի մարումը լինի միասնական:

Նաիրիտցիները պնդում էին, որ իրենց անընդհատ խաբում են՝ «էսօր-էգուց ասելով փորձում են փափուկ բարձ դնել մեր գլխի տակ»։
Հարկ է փաստել, որ գործադիրն, ըստ էության, պատրաստ է նաիրիտցիների ցանկությամբ իրականացնել գործընթացը՝ կամ միանգամից վճարելը նրանց գումարները, ովքեր խնդիր չունեն հաշվարկի հարցում, կամ սպասել 10-15 օր, երբ ամբողջական վերահաշվարկը բողոքենրի համար ավարտվի ու բոլորի աշխատավարձերի պարտքերը միասին մարվի: