Ծառայության ժամանակ Գեւորգը կորցրել է ձեռքը եւ ձախ աչքի լույսը. այսօր նա մեր օգնության կարիքն ունի. լուսանկարներ
Photo
Գեւորգ Սեյրանի Դադասյանը ծառայել է Արցախում: Ծառայության ժամանակ՝ 2016 թ.-ի դեկտեմբերի 14-ին, ադրբեջանական բանակի կողմից հերթական սադրանքի զոհն է դարձել:
Pressmedia.am-ի հետ զրույցում Դադասյանը պատմեց. «Դեպքը տեղի է ունեցել վաղ առավոտյան, երբ մարզվում էի: Լսեցի, որ հակառակորդը կրակ բացեց մեր դիրքի ուղղությամբ, փորձեցի հասկանալ, թե կոնկրետ որ հատվածից ու որ ուղղությունով են կրակում:
Վերցրեցի ПК գնդացիրը, որ հակահարված տամ թշնամուն: Ես տեսա նրանց դիպուկահարին, դիրքավորվեցի, որ խփեմ. չեմ էլ հիշում՝ հասցրեցի կրակ բացեմ, թե ոչ: Նկատել էի մեկ դիպուկահարի: Այդ ժամանակ ուրիշ կողմից դիրքավորված դիպուկահար խփել է ինձ»:
Գեւորգ Դադասյանին առաջին օգնություն է ցույց տվել գումարտակի բուժանձնակազմը: Հոսպիտալացնելով՝ բժիշկները ամպուտացրել են նրա աջ ձեռքի վերին վեջույթը: Երեւանում արդեն վիրահատել են աջ աչքը, սակայն տեսողությունը չի վերականգնվել. աչքի մեջ կա նաեւ բեկոր, իսկ ձախ աչքի տեսողությունը մոտ 30% է:
Հայրենիքի համար սեփական կյանքը չխնայած ու երիտասարդ տարիքում լուրջ առողջական խնդիրների առաջ կանգնած Գեւորգն այսօր ունի բուժման կարիք, որի համար, սակայն, նրա ֆինանսական միջոցները չեն բավականացնում:
Օգնության համար խնդրում ենք փոխանցում կատարել Արցախ բանկի հետեւյալ հաշվեհամարին` 22311015697100:
1
2
3
4
5
1
2
3
1
2
