Կառավարությունը կարող է անընդհատ պրեսինգի տակ հայտնվել

Արմեն Հակոբյանը ֆեյսբուքյան իր էջում գրում է.

«...Ազգային ժողովի հետ կապված, խորհրդարանական կառավարման պարագայում, հասկանալի է, հիմնական հարցերից մեկը կառավարության գործունեության նկատմամբ իրական վերահսկողություն ունենալն է: Ներկայացված նախագծի հոդված 111-ը սահմանում է. «1. Ազգային ժողովը վերահսկողություն է իրականացնում պետական բյուջեի կատարման, այդ թվում՝ օտարերկրյա պետություններից եւ միջազգային կազմակերպություններից ստացված փոխառությունների եւ վարկերի օգտագործման նկատմամբ: 2. Ազգային ժողովը, Վերահսկիչ պալատի եզրակացության առկայությամբ, քննարկում եւ որոշում է ընդունում պետական բյուջեի կատարման մասին տարեկան հաշվետվության վերաբերյալ»:

Կարող է հարց ծագել հենց այդ «վերահսկողություն իրականացնելու» կապակցությամբ այն առումով, թե կոնկրետ ինչպե՞ս է դա իրականացվելու: 

Սակայն եթե նկատի ունենանք, որ նախագծում նշված են մի շարք դեպքեր, որոնք ենթադրում են կառավարությանը, վարչապետին ու նաեւ առանձին նախարարի անվստահություն հայտնելու եւ պաշտոնանկ անելու իրական հնարավորություն, ապա հարցի սրությունը կարծես նվազում է: Այդ անվստահություն հայտնելու հնարավորությունները՝ հետագա պաշտոնանկության հեռանկարով, թույլ են տալիս ենթադրել, որ առաջարկվող նախագծի ընդունման դեպքում կունենանք մի սահմանադրություն, որը բազմակուսակցական խորհրդարանի պայմաններում հնարավորություն է տալիս, որ կառավարությունը անընդհատ պրեսինգի տակ գտնվի: Իսկ կառավարության գործունեության արդյունավետության տեսանկյունից դա թերեւս առավել նախընտրելի կացությունն է: 

...Ի դեպ, հոդվածի (115) 4-րդ կետով է նշվում է. «Արտակարգ կամ ռազմական դրության ժամանակ վարչապետին անվստահություն հայտնելու մասին որոշման նախագիծ չի կարող ներկայացվել կամ քննարկվել»:
Հասկանալի է, իհարկե, տրամաբանությունը: Ասենք, տնից-տեղից հեռու՝ պատերազմական վիճակ է, ռազմական դրություն, վարչապետն էլ՝ այդ պայմաններում զինված ուժերի գերագույն գլխավոր հրամանատարը, այսինքն՝ նման պայմաններում անվստահություն հայտնելու ի՞նչ ժամանակն է: 

Բայց մյուս կողմից՝ եթե հենց ռազմական դրության պայմաններում վարչապետի գործունեությո՞ւնն է անվստահության առիթ տվել: Այդ դեպքում ինչպե՞ս վարվել: Թողնել, որ շարունակի՞ անվստահելի գործունեությունը»:

Ամբողջական նյութն այստեղ