«Ոտքի՛, Հայաստան» շարժումը Ազատության հրապարակում ներկայացրեց իր 3 փուլից բաղկացած գործողությունների ծրագիրը
Քաղաքականություն
«Ոտքի՛, Հայաստան» շարժման խորհուրդը Ազատության հրապարակում քննարկում է հրավիրել: Նրանք քաղաքացիների դատին ներկայացրին իրենց անդամների կազմը, կանոնադրությունը և գործողությունների ծրագիրը: Խորհրդի անդամ Անդրիաս Ղուկասյանը պնդեց և փաստեր ներկայացրեց, որ ՀԷՑ-ը առնվազն 3 անգամ ավելացրել է իր ծախսերը երեք տարում, մինչդեռ խոշոր վնասներ է ցույց տալիս: «Ի սկզբանե կեղծ հայտ է ներկայացվել, իսկ պետությունն անգործություն է ցուցաբերել»,- ասաց նա:
Նա հայտարարեց, թե շարունակելու են քաղաքացիական անհնազանդությունը, մինչև ՀԾԿՀ չեղյալ ճանաչի էլեկտրաէներգիայի սակագնի բարձրացման մասին իր որոշումը:
«Հակառակ դեպքում, մինչև օգոստոսի մեկը եթե չընդունի, մենք կշարունակենք քաղաքացիական անհնազանդություն դրսևորել»,- ասաց նա և հավելեց, թե պետք է նաև քրեական գործեր հարուցվեն էներգետիկ ոլորտը փլուզման հասցրած պաշտոնյաների դեմ:
Իսկ դա ըստ նրա՝ անելու են երեք փուլով: Ըստ նրա առաջին փուլով առձեռն թռուցիկներ են բաժանելու, յուրաքանչյուր ընտանիքի և բացատրելու, որ հիմնավորված է իրենց պահանջը, չեղյալ ճանաչել սակագնի բարձրացումը: Նաև բացատրելու են մարդկանց խաղաղ քաղաքացիական պայքարի ձևերը և հորդորելու մարդաշատ հանրահավաքներ անցկացնել:
Երկրորդ փուլում ըստ նրա՝ հինգ օրով արգելափակելու են Երևանի գլխավոր փողոցները և հավատացրեց, որ ոստիկանությունը անզոր է բռնի ուժ կիրառել մեծաթիվ քաղաքացիների դեմ:
Երրորդ փուլում կրկին թռուցիկներ են բաժանելու, թե ինչու է անհրաժեշտ համակարգված եղանակով հրաժարվել վճարել կոմունալ վարձերը՝ նաև հեռախոսակապի, մինչև ժողովրդի պահանջները չկատարվեն: «Երկում այնպիսի վիճակ կստեղծվի, որ ստիպված կլինեք վերադարձնել իշխանությունը ժողովրդին»,- ասաց նա:
1
2
3
4
5
1
2
3
4
5
1
3
4
