Բաքուն փորձում է առավելության հասնելու պատրանք ստեղծել առաջնագծում, որը դատապարտված է ձախողման. ՀՀ ԱԳՆ
Քաղաքականություն
Մեր խորին ցավակցությունն ենք հայտնում երեկ եւ այսօր Արցախի եւ Ադրբեջանի միջեւ շփման գծում ադրբեջանական զինված ուժերի կողմից իրականացրած զինադադարի կոպտագույն խախտումների հետեւանքով զոհված զինծառայողների հարազատներին եւ ծառայակիցներին։ Այս մասին ասված է Հայաստանի ԱԳՆ-ի տարածած հայտարարությունում:
Հայտարարությունում նաեւ ասվում է.
«ԵԱՀԿ Մինսկի խմբի համանախագահները իրենց վերջին հայտարարության մեջ դատապարտեցին զինադադարի խախտումները` մատնանշելով, որ Ադրբեջանն է առաջինը կրակ բացում: Ադրբեջանը այսպիսի սադրանքներով է արձագանքում այդ հասցեական հայտարարությանը` ի ցույց դնելով իր ողջ արհամարհանքը:
Բաքու համանախագահների այցի նախաշեմին, առանց միջազգային պարտավորություններին համապատասխան ծանուցման լայնածավալ զորավարժությունների անցկացումը, 1994-1995 թթ. զինադադարի եռակողմ անժամկետ համաձայնագրերի շարունակական խախտումները, իրավիճակի սրմանն ուղղված նոր քայլերը, Ադրբեջանի բարձրագույն ղեկավարության կողմից միջազգային հանրությանը, առաջին հերթին Մինսկի խմբի համանախագահ երկրներին նետած հերթական մարտահրավերն է, որին համարժեք արձագանքի բացակայությունը կարող է ընկալվել Ադրբեջանի կողմից որպես նոր արկածախնդրությունների խրախուսում։
Ակնհայտ է, որ Բաքուն, չկարողանալով խաղաղ կարգավորման գործընթացը տանել իր նախընտրած ուղիով, փորձում է առավելության հասնելու պատրանք ստեղծել առաջնագծում, որը նույնպես դատապարտված է ձախողման, եւ հղի է անկանխատեսելի հետեւանքներով, առաջին հերթին իրավիճակի լարումը նախաձեռնող կողմի համար:
1
2
3
4
5
3
4
5
1
2
3
4
5
