«Մենք ոչ մի օր չենք ապրել միասին». ի՞նչ զարգացումներ են եղել Ջուսի եւ Վահագնի ամուսնալուծության գործով

Ջուսի եւ Վահագն Մանուկյանի ամուսնալուծության գործով վճիռը կհրապարակվի հունիսի 26-ին. այս մասին NEWS.am STYLE - ի հետ զրույցում ասաց երգչուհին։

Այսօր կայացել է գործով հերթական դատական նիստը, որը տեւել է 10 րոպե.

«Ինքը եկավ ուշացած (Վահագնը,-խմբ.), ջղայնացած ասաց՝ ես համաձայն եմ, մնացածը ինչ ուզում ես՝ արա, քո գործն ա, դու նայիր, եւ դուրս եկավ դատարանի դահլիճից»,- պատմեց Ջուսը, ում խոսքով՝ ինքը վախեցած է. ամուսինը սովորաբար ագրեսիվ է, գուցե հետագայում «իրեն ցույց տա»։

Հիշեցնենք, որ դատական նախորդ նիստի ժամանակ Վահագն Մանուկյանն իրեն կոռեկտ չի պահել Ջուսի նկատմամբ։ Մեզ հետ զրույցում երգչուհին նշել էր, որ ամուսինը վիրավորել է իրեն. «Երբ ասացի, որ ոչ մի ընդհանուր բան չունենք, նա նստած տեղից շատ վատ բաներ ասաց, ահավոր էր։ Սկսեց գոռգոռալ, ասաց՝ որ հետս քնում էիր, լա՞վ էր, որ հետս քնում էիր, ունեի՞ր ընդհանուր բան, իսկ հիմա սե՞նց...»,- նշել էր երգչուհին։

Մեր հարցին՝ այսօրվա նիստին վիրավորանքներ չե՞ղան, Ջուսն ասաց, որ ոչ. «Բայց մայրս ասում է, որ զգույշ լինեմ, նա կարող է հետապնդել ինձ»։

Մեր դիտարկմանը, թե ինչու որեւէ պահանջ չունի ամուսնուց, երգչուհին նշեց, որ ընդհանուր ոչինչ չեն ունեցել, անգամ միասին չեն ապրել. «Մենք ոչ մի օր չենք ապրել միասին, հանգստանալու ենք գնացել մի երեք օր։ Ինքը միշտ ասում էր՝ ես ունեմ տուն, բայց պետք է վերանորոգեմ, ու դա ձգվեց, հետո ասաց՝ վերանորոգումը թանկ է, ուրիշն առնենք, սա վաճառենք, ու ոչինչ չեղավ արդյունքում։ Իսկ ընտանիքն առանց տան ընտանիք չէ, մարդիկ պետք  է միասին ապրեն, ոչ թե առանձին, դա սխալ է»,-եզրափակեց նա։

Աղբյուրը՝ News.am :