Չինական բժշկությունում կիրառվող վարժություններ՝ պարանոցի ցավերը մեղմելու համար

Պարանոցի ցավերն ու գլուխը շարժելիս լսվող ոչ բնորոշ ձայները շատ տհաճ զգացողություններ են, որոնք, ցավոք, ծանոթ են յուրաքանչյուր երկրորդին, քանի որ ժամանակակից հասարակությունը հաճախ է նստակյաց կյանք վարում: Համակարգչի առջև երկար անշարժ նստելով՝ մարդիկ ձեռք են բերում մի շարք խնդիրներ՝ կապված ողնաշարի հետ:

Պարանոցի հատվածում սեղմվածությունը կարող է նպաստել գլխացավերի առաջացմանը, գլխուղեղի արյան շրջանառության խանգարմանն ու նույնիսկ գիտակցության հանկարծակի կորստին: Սակայն չինական բժշկության մեջ կան հատուկ վարժություններ, որոնք կօգնեն ազատվել նման տհաճ զգացողություններից և դրանց պատճառներից: Այս վարժություններն անհրաժեշտ է կատարել սահուն, դանդաղ և շատ ուշադիր:

Վարժություններ պարանոցի ողերի համար

1.  Նստել աթոռին, մեջքն ուղղել, խորը շունչ քաշել և ափերով սեղմել ճակատը՝ միևնույն ժամանակ լարելով պարանոցի մկաններն ու թույլ չտալով, որ գլուխը ետ գնա: Շունչը պահել և մնալ նման լարված դիրքում 5-7 վայրկյան: Արտաշնչելիս ձեռքերը հեռացնել և 10 վայրկյան մնալ բացարձակապես հանգիստ վիճակում՝ գլուխը կախած: Կրկնել վարժությունը 3-5 անգամ:

2.   Խորը շունչ քաշել, ձեռքերը «կողպել» և դրանցով սեղմել ծոծրակը՝ միևնույն ժամանակ լարելով պարանոցի մկանները և թույլ չտալով, որ գլուխն առաջ գա: Այնուհետև արտաշնչել, հնարավորինս թուլանալ և 10 վայրկյան հանգստանալ: Կատարել նույն վարժությունը նաև մյուս ձեռքով: Կրկնել վարժությունը 3-5 անգամ յուրաքանչյուր ուղղությամբ:

3.   Խորը շունչ քաշել և ձախ ափով սեղմել քունքը՝ աշխատելով 5-7 վայրկյան դիմակայել ճմշմանը: Այնուհետև արտաշնչել, հնարավորինս թուլանալ և 10 վայրկյան հանստանալ: Կրկնել վարժությունը մյուս ձեռքով: Կրկնել վարժությունը յուրաքանչյուր ձեռքով 3-5 անգամ:

4.  3-5 անգամ գլուխը խոնարհել առաջ ու ետ տանել: Շնչելիս գլուխը տանել ետ՝ ձեռքերով ետևից պարանոցը պահելով և դիմադրությունը հաղթահարելով, այնուհետև 5-7 վայրկյան պահել շնչառությունն ու լարել մկանները: Արտաշնչելիս գլուխը վերադարձնել ակզբնական դիրք և 10 վայրկյան հանգստաալ:

5.   Խոնարհվել առաջ և ափերով սեղմել պարանոցը՝ աստիճանաբար ենթարկվելով ճնշմանը: Շնչելիս գլուխը մոտեցնել կրծքին: Կզակը սեղմել պարանոցին, իսկ հայացքն իջեցնել: Մնալ այս դիրքում 5-7 վայրկյան, այնուհետև արտաշնչել և առավելագույնս թուլանալ:

6.   Շնչելիս գլուխը դանդաղ պտտել դեպի ձախ՝ լարելով պարանոցի մկանները: Հարկավոր է հնարավորինս երկար նայել շարժման ուղղությամբ: Շունչը 5-7 վայրկյան պահել, այնուհետև վերադառնալ սկզբնական դիրք և 10 վայրկյան հանգստանալ: Կատարել վարժությունը 3-5 անգամ յուրաքանչյուր ուղղությամբ:

7.   Գլուխը մոտեցնել կրծքին, թուլացնել պարանոցի մկանները և աշխատել կզակով հասնել անրակներին ու «շոյել» դրանք: Կրկնել վարժությունը 10 անգամ:

8.   Գլուխը ետ տանել, թուլացնել դեմքի ու պարանոցի մկանները և աշխատել ծոծրակով «տրորել» պարանոցի ստորի հատվածը: Կրկնել վարժությունը 20 անգամ:

9.   Ուսերը թուլացնել ու իջեցնել, այնուհետև դանդաղ շունչ քաշել և գագաթով հնարավորինս վեր ձգվել՝ փորձելով առավելագույնս երկարացնել պարանոցի ողերը: Միևնույն ժամանակ հարկավոր է պտտել գլուխն աջ ու ձախ: Վերադառնալ սկզբնական դիրք և թուլանալ: Կրկնել վարժությունը 5 անգամ:

Որպեսզի վարժությունները լինեն առավել արդյունավետ, անհրաժեշտ է գլուխը պտտելիս աչքերը թեքել նույն ուղղությամբ: Պարանոցի ցավերի դեպքում այս պարզ վարժությունը կարելի է անել ցանկացած տեղ և ցանկացած պահի:

Բացի այդ, հարկավոր է հետևել նաև սննդակարգին: Պարանոցի խնդիրների դեպքում անհրաժեշտ է բացառել չափազանց աղի ու ճարպոտ սնունդը, օգտագործել ավելի շատ կաթնամթերք ու խմել հնարավորինս շատ ջուր: Հարկ է հիշել որ պարանոցի ողերի առողջությունից է կախված գլխուղեղի ակտիվությունը:

Նյութի աղբյուրը՝ takprosto.cc