Պարոնայք, ես իհարկե հասկանում եմ, որ պոպուլիզմը ավելի հեշտ է, բայց կարելի՞ է գործով զբաղվել
Գեղամ Ասլամազյանը ֆեյսբուքյան իր էջում գրում է .
Սահամանադրական բարեփոխումների մեկնարկած գործընթացում թերևս ամենից շատ տարակուսանքն առաջացնում է ընդդիմադիր ուժերի արձագանքը։ Նույն այն ուժերը, որոնք մինչ այժմ բազմիցս գանգատվոել են, որ 2006 թվականի բարեփոխումներից ստացված Սահմանադրությունը բանի պետք չէ ու պետք էս անել, էն անել, այսօր հայտարարում են, որ ոչ միայն դեմ են այս փաթեթին, այլ առհասարակ բարեփոխումներ անցկացնելու տեսլականին ու հայտարարում են բոյկոտի մասին։
Սա հերթական անգամ գալիս է ապացուցելու մեր ընդդիմադիր ուժերի արդեն ավանդական դարձած ապակառուցողական կեցվածքն ու հեշտ ուղու ընտրությունը, որը կայանում է նրանում, որ պետք է դեմ լինել ու վերջ։ Ի՜նչ էլ առաջարկի իշխանությունը, իրենք վճռականորեն դեմ են, իսկ այ երբ բանը հասնում է այլընտրանք՝ ողջամիտ այլընտրանք առաջարկելուն, ապա ընդդիմությունը էլի զահլա չի անում գլուխ դնել։
Ու հիմա էլ նույնն է։ Պարոնայք, ես իհարկե հասկանում եմ, որ պոպուլիզմը ավելի հեշտ է, բայց կարելի՞ է գործով զբաղվել։ Ներկա պահին ասպարեզ է հանվել փոփոխությունների նախնական փաթեթը։ Եթե այն այդքան ահավոր է, նախ հիմնավորեք թե ինչու, իսկ հետո ձերը առարկեք։ Կամ էլ հիմնավորեք, թե ինչու եղածը պետք չէ փոխել ու ինչով է այն այդքան լավը, ինչպես նաև այն, թե ինչու եղածը, այդքան լավը լինելով, չի կարողացել կանխել այսօրվա գաղջ պատկերը։
1
2
3
4
5
1
3
4
5
1
2
3
5
