Լեւոն Արոնյանն ընդդեմ ադրբեջանցի շախմատիստների

Շվեյցարական Ժնեւ քաղաքում վաղը կմեկնարկի ՖԻԴԵ-ի Մեծ մրցանակի հերթական փուլը: 18 մասնակիցների թվում է նաեւ Հայաստանի առաջատար շախմատիստ Լեւոն Արոնյանը:

Մեր հայրենակիցը մրցաշարի գլխավոր ֆավորիտն է, որը 2809 վարկանիշային միավորով գլխավորում է ՖԻԴԵ-ի կազմած աղյուսակը: Ապա հաջորդում են ադրբեջանցի Շախրիյար Մամեդյարովը (2800) եւ հոլանդացի Անիշ Գիրին (2775):

Մեծ մրցանակի շվեյցարական փուլին կմասնակցեն նաեւ հետեւյալ շախմատիստները.

Ալեքսանդր Գրիշչուկ (Ռուսաստան) – 2761
Պյոտր Սվիդլեր (Ռուսաստան) – 2749
Յան Նեպոմնյաշչի (Ռուսաստան) – 2742
Պավել Էլյանով (Ուկրաինա) – 2739
Հարիկրիշնա Պենտալա (Հնդկաստան) – 2737
Մայքլ Ադամս (Անգլիա) – 2736
Լի Չաո (Չինաստան) – 2735
Բորիս Գելֆանդ (Իսրայել) – 2728
Թեյմուր Ռաջաբով (Ադրբեջան) – 2724
Էռնեստո Ինարկիեւ (Ռուսաստան) – 2707
Դմիտրի Յակովենկո (Ռուսաստան) – 2703
Ռիչարդ Ռապորտ (Հունգարիա) – 2694
Հոու Յիֆան (Չինաստան) – 2666
Ալեքսանդր Ռյազանցեւ (Ռուսաստան) – 2654
Սալեմ Սալեհ (ԱՄԷ) – 2638
Երկու փուլից հետո ընդհանուր հաշվարկով աղյուսակը գլխավորում է Շախրիյար Մամեդյարովը, որը վաստակել է 280 միավոր: Լեւոն Արոնյանը մասնակցել է մեկ փուլի եւ իր անվան դիմաց գրանցել է ընդամենը 7 միավոր:

Հիշեցնենք, որ ընդհանուր հաշվարկով 1-2-րդ տեղերը գրաված շախմատիստները 2018 թվականին կմասնակցեն աշխարհի չեմպիոնի հավակնորդների մրցաշարին: