Այս տարվա հունվար-հունիսին ՀՀ օդանավակայաններում ուղեւորահոսքն աճել է 29,3 տոկոսով

Հայաստանի Հանրապետության երկու օդանավակայանների ուղեւորահոսքը 2017 թվականի հունվար-հունիս ամիսներին կազմել է 1,094,007 մարդ, որը 29,3 տոկոսով գերազանցում է նախորդ տարվա նույն ամիսների ցուցանիշը:

ՀՀ ԿԱ քաղաքացիական ավիացիայի գլխավոր վարչությունից NEWS.amհայտնում են, որ 2017 թվականի հունիսին Երեւանի «Զվարթնոց» օդանավակայանում ուղեւորահոսքը կազմել է 211 252 մարդ՝ 20,5 տոկոսով գերազանցելով նախորդ տարվա նույն ամսվա ցուցանիշը:

2017 թվականի հունվար-հունիս ամիսներին, 2016 թվականի նույն ամիսների հետ համեմատած, «Զվարթնոց» օդանավակայանում գրանցվել է ուղեւորհոսքի 26,1 տոկոս աճ:

«Զվարթնոց» օդանավակայանում 2017 թվականի առաջին կիսամյակում բեռնափոխադրումը կազմել է 10 912 տոննա ապրանք, որը 70,4 տոկոսով գերազանցում է 2016 թվականի նույն ժամանակահատվածի ցուցանիշը:

2017 թվականի հունիս ամսին Գյումրու «Շիրակ» օդանավակայանում ուղեւորահոսքը կազմել է 7744 մարդ՝ նախորդ տարվա նույն ամսվա ցուցանիշը գերազանցելով 1558 տոկոսով:

«Շիրակ» օդանավակայանում 2017 թվականի հունվար-հունիս ամիսներին ուղեւորահոսքը 402,1 տոկոսով աճել է նախորդ տարվա նույն ամիսների հետ համեմատած:

«Զվարթնոց» եւ «Շիրակ» օդանավակայաններում 2017 թվականի հունվար-հունիս ամիսներին, նախորդ տարվա նույն ամիսների հետ համեմատած, 24,5 տոկոսով աճ են գրանցել նաեւ թռիչք- վայրէջքները:

2017 թ. հունվար-հունիս ամիսներին ՀՀ օդանավակայաններում ուղեւորահոսքն աճել է 29,3 տոկոսով: