ATV հեռուստաընկերության «I առավոտ» նախագծում հաղորդավարական փոփոխություն է եղել
Life
ATV հեռուստաընկերության «I առավոտ» նախագծում հաղորդավարական փոփոխություն է եղել: Այսուհետ Հովհաննես Թովմասյանի հետ ամեն օր բարի լույս կասի դերասանուհի Լիլիթ Հարոյանը: BlogNews.am-ը ներկա է եղել Լիլիթի անդրանիկ եթերին և զրուցել նախագծի պրոդյուսեր Հովհաննես Թովմասյանի, Անի Խաչիկյանի և Լիլիթ Հարոյանի հետ:
«Նախագծից հեռանալու որոշումն Անիինն էր: Ես համարում եմ, որ Անին այս նախագծից շատ բաներ ուներ վերցնելու, բայց քանի որ նրան ընդունում եմ որպես շատ հարազատ մարդու, նրա ցանկացած որոշման հետ համաձայն եմ: Այս մեկ տարվա ընթացքում մեզ մոտ շատ դրական հարաբերություններ են ձևավորվել, և ես ուրախ էի Անիի հետ համագործակցելու համար: Կարծում եմ՝ նա էլ շատ բան վերցրեց իր համար»,- նշում է ծրագրի պրոդյուսեր Հովհաննես Թովմասյանը:
Իսկ Լիլիթի մասին այսպես ասաց. «Նա նույնպես շատ հետաքրքիր անձնավորություն է, նույնիսկ ավելի հետաքրքիր, քան մարդիկ կարծում են: Նա նույնպես գեղեցկուհի է, ինչպես և Անին: Շատ հաճախ տղամարդիկ չեն նկատում այն կանանց ներքին աշխարհը, զարգացվածությունը, ովքեր օժտված են բնական գեղեցկությամբ: Ես, իհարկե, նկատել էի Լիլիթի ինտելեկտը և այն հետաքրքրությունները, որ նա ունի կյանքի նկատմամբ: Հուսով եմ՝ Լիլիթը նույնպես լավ հնարավորություն կունենա դրսևորվելու և դեռևս ասելիք կունենա»:
Լիլիթը որոշակի դադարից հետո կրկին առավոտյան ծրագրի հաղորդավարուհի է, իսկ այսօր նրա առաջին եթերն էր. «Փոփոխություն կա այն առումով, որ, կարծում եմ, հիմա ես շատ ավելի հասուն եմ, քան այն ժամանակ: Ուզում եմ շնորհակալություն հայտնել Հովհաննեսին, որ ինձ ընձեռեց ամեն առավոտ բարի լույս ասելու այս հնարավորությունը»:
«Մեծ պատասխանատվություն է ամեն օր իմանալ, որ դու ուղիղ եթերում ես լինելու: Այդ ամենին գումարվեց վերջին ժամանակի իմ զբաղվածությունը թե՛ թատրոնում և թե՛ նոր գեղարվեստական ֆիլմերում: Ես զգացի, որ ֆիզիկապես այլևս չեմ հասցնում»,- այսպես մեկնաբանեց Անին իր՝ ծրագրում չլինելու պատճառը:
Նյութը՝ Սիրանուշ Գրիգորյանի
Լուսանկարները՝ Կարեն Հովհաննիսյանի
1
2
3
4
5
3
4
5
1
2
3
4
5
