Գյումրիում հղի կին է վթարի ենթարկվել. նա ծննդաբերել է գլխի պատռվածքով
Գյումրիում այսօր՝ հուլիսի 20-ին, վաղ առավոտյան, հղի կնոջ մասնակցությամբ ավտովթար է տեղի ունեցել: Կինը տեղափոխվել է Գյումրիի ծննդատուն, որտեղ րոպեներ անց աղջիկ է ունեցել:
NEWS.am-ի թղթակցին Գյումրիի ծննդատան տնօրեն Վարդան Սարգսյանը հայտնեց, որ կինը հիվանդանոց է ընդունվել պատռված գլխով:
«Աննա Նալբանդյանը եղբոր հետ հիվանդանոց գալիս է վթարի ենթարկվել: Մեքենան կարմիրի տակով անցել է, երբ կողքից մեքենա եկել եւ հարվածել է: Աննան նստած է եղել վարորդի կողքին, իսկ մեքենան էլ հենց այդ կողմից է հարվածել: Բարեբախտաբար, կինը ձեռքերով ամեն կերպ պահել է փորիկը, որ հանկարծ երեխային բան չլինի: Գլուխն է պատռվել մոտ 10-15 սմ»,- ասաց Վարդան Սարգսյանը:
Նա պատմեց, որ երեխայի վիճակը նորմալ է, որեւէ խնդիր չունի, իսկ Աննա Նալբանդյանի գլուխը կարել են, նրան հետազոտելու համար նեյրովիրաբույժ է հրավիրվել:
Նշենք, որ Աննա Նալբանդյանը Ջաջուռ գյուղից է: Դեպքի պահին նրա հետ են եղել նաեւ մյուս երկու փոքր երեխաները, որոնք չեն տուժել:
1
2
3
4
5
3
4
2
3
4
5
