Թուրքիան հայտնվելու է ահաբեկչական հարձակումների թիրախում

Վարդան Ոսկանյանը ֆեյսբուքյան իր էջում գրում է.

Սիրիային սահմանակից թուրքական Ուրֆայի շրջանի Ուրուչ քաղաքը ենթարկվել է ահաբեկչական հարձակման, որն ակներևաբար իրականացրել են սուննի ծայրահեղական ահաբեկիչները:

Կոնկրետ այս համատեքստում, ըստ իս, ամենևին էլ կարևոր չէ, որ հարձակման են ենթարկվել քրդերը կամ ավելի ճիշտ հիմնականում քրդական էթնիկական հիմքի վրա ձևավորված ձախ հայացքներ ունեցող հասարակական կազմակերպության ներկայացուցիչները: Բոլորովին անկարևոր է նաև այն, որ հարձակման մեջ, հնարավոր է, իրենց գաղտնի դերակատարությունն ունենան նաև թուրքական իշխանությունները, որոնք խիստ անհանգստացած են Թուրքիայի և Սիրիայի քրդաբնակ շրջաններում հիմնականում «Քրդստանի բանվորական կուսակցությանը» հարող այս կամ այն կառույցի հանդեպ համակրանք տածող քուրդ բնակչության միջև անդրսահմանային համերաշխության և համագործակցության դրսևորումներից: