Կինն իր տունը դարձրել է պոռնկանոց՝ սեքսի համար տրամադրելով այն «զույգերին».ՏԵՍԵՔ, ԹԵ Ո՞Վ է ՆԱ
Հասարակություն
| Սյունիքի մարզի ընդհանուր իրավասության դատարանում Նապոլեոն Օհանյանի նախագահությամբ ավարտվել է Ջուլետտա Ո.-ի գործի դատական քննությունը: 67-ամյա ամբաստանյալը պոռնկությանը նպաստելու համար՝ ՀՀ քրեական օրենսգրքի 262 հոդվածի 1-ին մասով, նախկինում մեկ անգամ՝ 2008 թվականին արդեն դատապարտվել էր: Ներկայումս Ջուլետտային մեղադրանք էր առաջադրված նույն հոդվածի ավելի խիստ մասով՝ ՀՀ քրեական օրենսգրքի 262 հոդվածի 2-րդ մասի 5-րդ կետով՝ երկու և ավելի անձանց օգտագործելով ու գույքային օգուտ ստանալով պոռնկությամբ զբաղվողներին բնակարան տրամադրելու, պոռնկությամբ զբաղվելուն նպաստելու համար: Ըստ մեղադրանքի՝ 2016 թվականի դեկտեմբերից մինչև 2017 թվականի մարտի 15-ը Ջուլետտա Ո.-ն Կապան քաղաքում գտնվող իր բնակարանը հատուկ կահավորել ու պարբերաբար տրամադրել է մարմնավաճառուհիներ Հ.-ին, Ա.-ին, Ն.-ին: Վերջիններս բնակարանում հանդիպել են հաճախորդ տղամարդկանց ու որոշակի գումարի դիմաց սեռական հարաբերություն են ունեցել: Տղամարդիկ գումարը հանձնել են Ջուլետտային, նա այդ գումարի չնչին մասն է տվել մարմնավաճառուհիներին՝ «պահումներ» անելով նաև պարտքով նրանց վաճառած շորեղենի համար… 2017 թվականի մարտի 17-ին Ջուլետտան ձերբակալվել է, իսկ մարտի 20-ին նա ազատ է արձակվել, խափանման միջոց է ընտրվել ստորագրությունը չհեռանալու մասին: Ամբաստանյալ Ջուլետտա Ո.-ն իրեն մեղավոր չի ճանաչել ու հրաժարվել է ցուցմունք տալուց: Գործով վկա մարմնավաճառուհի Հ.-ն հայտնել է, թե Կապանի բնակչուհի Ջուլետտան զանգահարել է իրեն ու հրավիրել է իր տուն: Ինքը գնացել է ու այնտեղ սեռական հարաբերություն է ունեցել մի տղամարդու հետ: Ջուլետտան իրեն տվել է 3 հազար դրամ: Դրանից հետո տարբեր օրերի Ջուլետտան էլի կանչել է իրեն, ինքը հարաբերություններ է ունեցել տղամարդկանց հետ: Ինքը չի իմացել՝ Ջուլետտան ինչքան գումար էր վերցնում տղամարդկանցից: Յուրաքանչյուր հաճախորդի համար նա իրեն տալիս էր 2-3 հազար դրամ: Ինքը գումար էր պարտք Ջուլետտային, նա վերցնում էր իր աշխատած գումարի մի մասը՝ որպես պարտքի մարում: Հ.-ն նշել է, որ Ջուլետտայի տանը սեռական հարաբերություն է ունեցել միշտ նույն՝ միջանցքից դեպի աջ գտնվող սենյակում, որտեղ կային բազմոց, երկու բազկաթոռ, սեղան, աթոռներ: Սեռական հարաբերություն ունենալուց առաջ Ջուլետտան իրեն տալիս էր պահպանակ, թուղթ ու ներքնակ… Մամնավաճառուհի Ն.-ն հայտնել է, թե Ջուլետտային ճանաչել է որպես հագուստ վաճառողի: Պատահել է՝ նրանից պարտքով շորեր է գնել: Մի անգամ Ջուլետտան զանգել է իրեն, ասել , թե տղամարդ կա, ով գումարի դիմաց ցանկանում է սեռական հարաբերություն ունենալ: Ինքն իր ունեցած պարտքը մարելու համար ստիպված գնացել է Ջուլետտայի բնակարան ու սեռական հարաբերություն է ունեցել այդ տղամարդու հետ: Դրանից հետո մի քանի անգամ էլ է նա իրեն կանչել նույն նպատակով: Հաճախորդները գումարը տալիս էին Ջուլետտային: Նա այդ գումարը պահում էր մոտը, մաս-մաս հանում էր իր պարտքից: Այսինքն՝ նա իրեն համարյա գումար չէր տալիս… Վկա տղամարդկանցից՝ Ռ.-ն հայտնել է, թե Ջուլետտային ճանաչել է որպես մարմնավաճառ հրավիրող կնոջ: Մի օր զանգել է նրան ու խնդրել է իր համար մարմնավաճառ հրավիրել: Ջուլետտան առաջարկել է մարմնավաճառուհի Հ.-ին, բայց այդ պահին զանգել է իր կինը, ինքն այդ անգամ հրաժարվել է մարմնավաճառի ծառայությունից: Ժամկետային զինծառայող Ա.-ն հայտնել է, թե Ջուլետտային ճանաչել է որպես «Մամա Ռոզայի», նրա հեռախոսի համարն իմացել է զորացրված զինվորներից: 2016 թվականի դեկտեմբերի 24-ին՝ իր ծննդյան օրը, ինքը զանգել է այդ «Մամա Ռոզային» ու հարցրել է՝ մարմնավաճառ կա՞: Նա պատասխանել է՝ կա: Ընկերոջ հետ ինքը գնացել է Ջուլետտայի բնակարան, սեռական հարաբերություն է ունեցել մարմնավաճառուհի Հ.-ի հետ: Ջուլետտային տվել է 12 հազար դրամ ու հեռացել է: Այդ օրը Ջուլետտայի տանն էր նաև մարմնավաճառուհի Ն.-ն… Մեկ այլ տղամարդ՝ Գ.-ն, դատարանում հայտնել է, թե իր կինը մահացել էր, ինքը մի անգամ Ջուլետտային խնդրել է իր համար կին գտնել: Նա իրեն առաջարկել է ամուսնանալ Հ.-ի հետ, իսկ ինքն ասել է, թե նա «տուն տանելու բան չի»: Նախաքննության ժամանակ նույն տղամարդը ամուսնանալու մասին բան չի ասել, այլ հայտնել է, թե իմանալով, որ Ջուլետտան մարմնավաճառուհիներին իր տուն է հրավիրում ու առաջարկում տղամարդկանց, դիմել է նրան ու նրա բնակարանում մի քանի անգամ 8 հազար դրամի դիմաց սեռական հարաբերություններ է ունեցել մարմնավաճառուհի Հ.-ի հետ: Ամեն անգամ գումարը տվել է Ջուլետտային: Մեկ այլ պատանի վկա հայտնել է, թե իմանալով, որ Ջուլետտայի տանը կարող է հանդիպել ու սեռական հարաբերություն ունենալ մարմնավաճառուհու հետ, դիմել է Ջուլետտային, գնացել է նրա տուն և 7 հազար դրամի դիմաց սեռական հարաբերություն է ունեցել մարմնավաճառուհի Ա.-ի հետ: Երբ գնացել է տուն, մայրը իրեն ծեծել է… Դատարանը հաշվի է առել Ջուլետտայի տարիքը, այն, որ վատառողջ է, ինչպես նաև այն, որ պոռնկությամբ զբաղվելուն նպաստելը հասարակական կարգի և բարոյականության դեմ ուղղված հանցագործություն է, այն ունի հանրային բարձր վտանգավորություն: Ջուլետտա Ո.-ն մեղավոր է ճանաչվել ՀՀ քրեական օրենսգրքի 262 հոդվածի 2-րդ մասի 5–րդ կետով և դատապարտվել է 3 տարի իրական ազատազրկման: Պատժի սկիզբը կհաշվվի նրան փաստացի կալանքի տակ առնելու պահից: |
||||||
|
|
1
2
3
4
5
2
3
4
1
2
3
4
5
