Բնակչության կենսամակարդակը բարձրանում է
Մարինա Ներսեսյանը ֆեյսբուքյան իր էջում գրում է.
Տնտեսությունը կենդանության նշաններ է տալիս: Ազգային վիճակագրության ծառայության հրապարակած տվյալների համաձայն այս տարվա հունվար-հունիս ամիսներին նախորդ տարվա համապատասխան ժամանակահատվածի համեմատ տնտեսական ակտիվության ցուցանիշի (ՏԱՑ) աճը կազմել է 3.8%:
Մասնավորապես զգալի աճ է արձանագրվել գյուղատնտեսության` 14.5%, արդյունաբերական արտադրանքի` 5.1%, շինարարության` 0.6%, ծառայությունների` 3.3%: Իսկ անկում է գրանցվել առևտրի ոլորտում 8.2%: Հունիս ամսին նախորդ տարվա նույն ամսվա նկատմամբ աճի տեմպերը շատ ավելի արագանցիկ է եղել քան նախորդ ամիսների միջինացված ցուցանիշները, մասնավորապես` ՏԱՑ-ի աճը կազմել է 7.9%, արդյունաբերական արտադրանքի ծավալը` 8.1%, գյուղատնտեսությունը` 38%, շինարարությունը` 1%, ծառայությունները` 1.5%, իսկ առևտրի շրջանառության անկումը կազմել է 6.6%: ԱՎԾ տվյալներից կարելի է փաստել, որ հուլիս ամսին` ՀՀ տնտեսությունում որոշակի աշխուժություն է տեղի ունեցել, որը որոշակի կայունացում է մտցրել շուկա, իսկ դրա դրական հետևանքները հնարավոր է, որ տարածվեն նաև հաջորդ ամիսների վրա:
Գյուղատնտեսության ոլորտում այս տարի շարունակական աճը բարենպաստ եղանակների, և որոշակի տեխնոլոգիական բարելավումների արդյունք է: Վերջինիս աճը ունի շատ մեծ մուլտիպլիկատիվ էֆֆեկտ, քանի որ ամբողջ շուկան բաժանված է մոտ 400 հազ. մասնակիցների միջև, որոնց կենսամակարդակը միջինից ցածր է, ինչը նշանակում է որ ստացված բոլոր եկամուտները հոսելու են դեպի հարակից ճյուղեր: Ինչպես նաև գյուղատնտեսության վրա են հիմնված արտադրության ոլորտի մի մասը, այսինքն գյուղատնտեսության ոլորտի աճը իր ուղղակի ազդեցությունն է ունենում նաև արտադրության վրա:
Հարկ է նշել, որ միջին ամսական անվանական աշխատավարձը հունվար-հուլիս ամիսներին նախորդ տարվա համապատասխան ժամանակաշրջանի համեմատ աճել է 9.3%-ով, իսկ սպառողական գների աճը կազմել է 5.1%, արդարության համար նշենք, որ աշխատավարձի աճի վրա իր ներգործությունն է ունեցել կուտակային կենսաթոշակային համակարգի ներդրումը, այսինքն իրական աշխատավարձի աճը ավելի ցածր է եղել քան 9.3%-ն է, սակայն այն գերազանցել է գնաճի տեմպերը ինչը նշանակում է, որ տեղի է ունեցել բնակչության կենսամակարդակի բարձրացում:
1
2
3
4
5
1
3
4
5
1
2
3
5
