5 համաշխարհային աստղ, որ խնամատար ընտանիքներում են մեծացել
Interesnoznat-ը գրում է, որ ծնողների կողմից լքված ու մանկատներում հայտնված երեխաները ոչ միշտ են բարձրունքների հասնում, սակայն այս մարդիկ կարողացել են անել դա։ Համաշխարհային ճանաչում ունեցող այս աստղերը խնամատար ընտանիքներում են մեծացել, քանի որ նրանց ծնողները լքել են նրանց կամ այլ պատճառներով չեն կարողացել դաստիարակել։
Ջեք Նիկոլսոն
Դերասան Ջեք Նիկոլսոնը կարծում էր, որ իր ծնողները տատիկն ու պապիկն են, իսկ իր մայրը քույրն է։ Իրականությունը բացահայտվել է միայն 1974 թվականին, սակայն այդ ժամանակ Նիկոլսոնի ոչ տատիկը, ոչ էլ պապիկն այլևս կենդանի չէին։
Ջոն Լենոն
Beatles խմբի մենակատար Ջոն Լենոնը 3 տարեկան էր, երբ նրա ծնողներն ամուսնալուծվել էին։ Դրանից հետո նա որոշ ժամանակ մոր հետ էր ապրում, սակայն հետագայում մայրը երկրորդ անգամ է ամուսնացել, իսկ իրեն փոխանցել է իր քրոջը՝ Միմիին։ Այնուամենայնիվ, մայրն ամեն օր Ջոնին տեսակցության է եկել։
Սթիվ Ջոբս
Հանճարեղ Սթիվ Ջոբսի մայրն ուսանողուհի էր, երբ ծննդաբերել էր նրան։ Նա շատ երիտասարդ էր, այդ պատճառով էլ չէր ցանկանում իր կյանքում դժվարություններ ստեղծել։ Ծննդաբերությունից անմիջապես հետո նա երեխային որդեգրման էր հանձնել և նրան որդեգրել էր Ջոբսերի ընտանիքը։
Մերիլին Մոնրո
20-րդ դարի ամենացանկալի կինը բավականին դժվար մանկություն է ունեցել։ Նրա հոր մասին գրեթե ոչինչ հայտնի չէ, իսկ մայրը հազվադեպ է շփվել դստեր հետ։ Մոնրոն տարբեր ընտանիքներում է մեծացել։
Էրիկ Քլեփթոն
Երաժիշտ Էրիկ Քլեփթոնի մայրը 16 տարեկանում է նրան ծննդաբերել։ Որոշ ժամանակ անց նա ամուսնացել է զինվորի հետ ու մեկնել Գերմանիա, իսկ Էրիկը տարիներ շարունակ կարծել է, որ իր մայրը տատիկն է, իսկ իրական մորը քույր է համարել։
1
2
3
4
5
3
4
5
2
3
4
5
