Պարզվում է, որ հոգեբանների բազմաթիվ ուսումնասիրությունները հիմք են տալիս նրանց պնդելու, որ իսկական սերը ամուր, իրական սեր դառնալու համար պետք է հաղթահարի 7 հիմնական փուլ: Ըստ նրանց՝ եթե այդ փուլերից որևէ մեկը բացակայում է, ուրեմն այն սեր չի կարող համարվել:
Փուլ 1
Ըստ հոգեբանների` բոլոր հարաբերություններն էլ սկիզբ են առնում սիրահարվածությունից: Զույգը սովորաբար հենց սկզբում կառուցում է իրենց հարաբերությունները` ելնելով հենց սիրահարվածությունից:
Փուլ 2
Ասում են, որ այն տևում է 3 ամսից մինչև 2 տարի: Այս փուլին հանգում ենք այն դեպքում, երբ ռոմանտիկ հարաբերությունները հասել են իրենց գագաթնակետին, և զույգը սկսել է հասկանալ ու ընդունել մեկը մյուսին: Հարմարվողականության փուլում ամեն ինչ դեռ հանգիստ է, միապաղաղ, բայց օդում նկատելի է փոթորկի նշույլ:
Փուլ 3
Դե՛, ի՞ նչ սեր ու հարաբերություն՝ առանց վեճերի, բաժանումների, զանգերի ու ցտեսությունների, րոպե անց՝ «Ես քեզ սիրում եմ» նամակների… Շատերի հարաբերություններն ավարտվում են հենց այս 3 փուլով, այսինքն՝ վեճերից հետո հարաբերությունները չեն շարունակվում: Իսկ եթե շարունակվում է, ուրեմն թևակոխում ենք արդեն 4-րդ փուլ:
Փուլ 4
Սկսվում է փոխադարձ համբերության ու հարգանքի ժամանակաշրջանը: Զույգը հասկանում է, որ վեճերն ուղղակի փոքրիկ խնդիրներ են, որոնք հարկավոր է լուծել միասին:
Փուլ 5
Ծառայության փուլն ուղղակի իմաստով պետք է չհասկանալ: Ըստ հոգեբանների՝ հենց այս փուլից է սկսվում իրական ճանապարհը դեպի իրական սեր, այսինքն՝ երբ զույգը դադարում է լինել եսակենտրոն և պատրաստ է ծառայել մեկը մյուսին՝ օգնել, սատար կանգնել, ինչպես մեկ ընտանիք:
Փուլ 6
Այս փուլը սերտ կապված է նախորդի հետ: Սիրահար զույգը սկսում է ընկերություն անել, երբ առաջանում են միմյանց նկատմամբ շնորհակալության, փոխադարձ վստահության զգացումները:
Փուլ 7
Եվ վերջին փուլում արդեն ՍԵՐՆ է, Իրական ՍԵՐ… Երբ վերջապես հասնում են սպասված արդյունքին:
Ըստ հոգեբանների՝ 7 փուլերի հաղթահարման ժամանակահատվածը կարող է տևել 12 և ավելի տարի:
1
2
4
5
2
3
5
1
2
3
4
5
