Ադրբեջանը զենք կմատակարարի ԱՄՆ-ին
Ադրբեջանը բանակցություններ է վարում՝ որոշ երկրներին խոշոր տրամաչափի զինամթերք, արաբական մի շարք երկրներին՝ RPQ-7V2 նռնականետ, դիպուկահար հրացան, եւ ԱՄՆ-ին ու Ռուսաստանին՝ օպտիկական նշանոց մատակարարելու շուրջ: Այս մասին «Azeri Defence» ամսագրին տված հարցազրույցում հայտարարել է Ադրբեջանի պաշտպանական արդյունաբերության նախարար Յավեր Ջամալովը:
Ըստ haqqin.az-ի, նա ասել է, որ նախարարությունը վերջերս առաջարկ է ստացել Իրաքից: «Պատրաստվում ենք Իրաքին 500 RPQ, 500 ականանետ եւ զինամթերք մատակարարել: Հույս ունենք, որ շարունակվող բանակցությունների արդյունքում այս տարի արտահանման հարցում կարեւոր արդյունքներ կարձանագրենք»,- ասել է Ջամալովը:
Նախարարը նաեւ տեղեկացրել է, որ ներկայում բանակցություններ են վարում՝ մի շարք երկրների տարբեր տրամաչափի զինամթերք մատակարարելու շուրջ: Ջամալովի փոխանցմամբ, 2013 թվականին նախարարությունը 123 մլն դոլարի արտահանում է իրականացրել, 2014-ին՝ 100 մլն դոլարի:
Աղբյուրը՝ NEWS.am
1
2
3
4
5
3
4
2
3
4
5
