Հարսանիքի ժամանակ փեսայի մատուցած անակնկալն ուղղակի շոկի ենթարկեց հարսին
Life
Վերջերս ԱՄՆ Ալյասկա նահանգում ամուսնացող այս կնոջ համար իր հարսանիքն ուղղակի անկրկնելի էր։
Ռեբեկա Թյորնիի փեսացուն՝ Քելի Թյորնին, նրան անակնկալ էր մատուցել․ հրավիրել էր այն տղային, ում մեջ բաբախում է Ռեբեկայի՝ տարիներ առաջ մահացած որդու սիրտը։ 21-ամյա Ջեյքոբը՝ սրտի փոխպատվաստում տարած տղան, ուրախությամբ համաձայնել էր հանդիպել Ռեբեկայի հետ։
«Շնորհակալ եմ, որ ամուսնուս եղբայրը կողքիս կանգնած էր, հակառակ դեպքում երևի հուզմունքից կընկնեի։ Լացում էի, ինչպես փոքրիկ աղջնակը։ Չէի կարողանում ինձ զսպել, ուզում էի գրկել ու երբեք բաց չթողնել նրան»,-պատմել է Ռեբեկան։
Կնոջ որդին՝ Թրիսթոն Գրինը, մահացել է 2015 թվականին՝ 19 տարեկան հասակում։ Նրա օրգանները նվիրաբերվել են տարբեր մարդկանց՝ փրկելով 5 մարդու կյանք, այդ թվում՝ Ջեյքոբինը։
«Մի քանի օր առաջ հեռախոսով խոսում էի Ջեյքոբի հորաքրոջ հետ և նրան խնդրեցի, որ Ջեյքոբը գա և մեր հարսանիքի ընթացքում անակնկալ մատուցի ապագա կնոջս»,- նշել է ամուսինը՝ Քելին։
Տեսանյութում երևում է, թե ինչպես է հուզված կինը լսում իր որդու սրտի բաբախոցը Ջեյքոբի մարմնում։
Ջեյքոբ Քիբլին ի ծնե սրտի արատ ուներ և դեռ 2 տարեկան հասակում փոխպատվաստել էին նրա սիրտը, սակայն մոտ 17 տարի անց օրգանը սկսել էր վատ աշխատել, ուստի նրան կրկին փոխպատվաստում էր անհրաժեշտ։
1
2
3
4
5
3
4
5
1
2
3
4
5
