ՌԴ-ի, Իրանի եւ Թուրքիայի ներկայացուցիչները Թեհրանում կքննարկեն Սիրիայում լարվածության թուլացման գոտիների ամրապնդումը
Ռուսաստանի, Թուրքիայի, Իրանի ներկայացուցիչները օգոստոսի 8-9-ը Թեհրանում կքննարկեն Սիրիայում լարվածության թուլացման գոտիների ամրապնդումը։ Այս մասին Մանիլայում հայտարարել է ՌԴ ԱԳ նախարար Սերգեյ Լավրովը, փոխանցում է «ՏԱՍՍ»-ը։
«Թուրք գործընկերոջ հետ քննարկել ենք ստանձնած պարտավորվածությունների իրագործման հարցը՝ Աստանայի գործընթացի շրջանակում, Ռուսաստանի, Թուրքիայի եւ Իրանի ներկայացուցիչների հերթական հանդիպման նախապատրաստությունը, որը տեղի կունենա օգոստոսի 8-9-ը, Թեհրանում։ Հանդիպման ժամանակ կշարունակվեն լարվածության թուլացման գոտիների ամրապնդման շուրջ զրույցները»,-ասել է Լավրովը։
Նախարարը հիշեցրել է, որ նման երեք գոտիներ արդեն գործում են՝ Սիրիայի հարավում, Արեւելյան Գուտայում եւ Հոմսից հյուսիս ընկած տարածքում։
«Այժմ աշխատանքներ են ընթանում ամենախոշոր եւ, հավանաբար, ամենաբարդ գոտու ուղղությամբ՝ Իդլիբ նահանգում»,-նշել է ՌԴ ԱԳ նախարարը։
1
2
3
4
5
4
2
3
4
5
