10 հայ հայտնիներ, ովքեր անդուր շատ են շպարվում (լուսանկարներ)

Շպարն ու բեմական գրիմը բնական ու նույնիսկ պարտադիր են արտիստի համար, հատկապես, եթե խոսքը իգական սեռի ներկայացուցիչների մասին է, բայց մեր շոու բիզնեսի աստղերից ոմանք ակնհայտորեն չարաշահում են շպարը, իսկ մի քանիսը պարզապես անդուր շատ են քսվում։ Այսպիսով, ձեզ եմ ներկայացնում 10 հայ հայտնիների, ում տեսնելիս տպավորություն է ստեղծվում, որ նրանք շինանյութի պահեստում դժբախտ պատահարի մեջ են հայտնվել։

10. Վակցինա

DJ Վակցինայի բեմական կերպարի անբաժանելի մասն է նրա շպարը։ Իսկ ավելի կոնկրետ՝ շատ, անդուր շատ ու խիստ, անդուր խիստ կարմիր շրթներկը։ Մեկ-մեկ ինձ թվում է, որ ինչ-որ ռասիստական մուլտֆիլմի սևամորթ կնոջ կերպարն է հիմք ծառայել Վակցինայի համար այս ոճն ընտրելու հարցում։ Մի անգամ առիթ եմ ունեցել Վակցինային առանց այս սարսափելի շպարի տեսնելու ու պետք է ասեմ, որ բավականին հաճելի արտաքին տվյալներով աղջիկ էր։ Զարմանում եմ, թե ինչու է իր արտաքինն այսպես ձևախեղում։

9. Լուիզա Ներսիսյան

Հօգուտ Լուիզայի կարելի է ասել, որ հիմա նա շատ ավելի լավ տեսք ունի, քան երիտասարդ տարիներին, բայց միևնույն ժամանակ չեմ կարող չարձանագրել, որ Լուիզան, մեղմ ասած, չարաշահում է շպարը, ու տպավորություն է, որ եթե մատով կպնես նրա դեմքին, ապա այն կընկղմվի տոնալ քսուկի ու փոշու հաստ շերտի մեջ։

8. Եվա Ռիվաս

Եվա Ռիվասը մշտապես խնդիր է ունեցել չափի զգացման հետ ու շպարվելու հարցում ևս։ Եթե գուգլով նայեք, ապա կտեսնեք, որ այն նկարներում, որտեղ Եվան շպարին չի վերաբերվել որպես կշտանալիք, նա բավականին հաճելի արտաքին ունի, բայց մեկ էլ որ չես տեսնում, թե ինչ կոսմետիկ աղետների է բախվել էս աղջիկն իր կարճ կյանքում, թվում է, թե աստված բոյը տվել ա ու չի խնայել, բայց ամեն էքստրա սանտիմետրի դիմաց վերցրել ա ճաշակի ու չափի զգացման զգալի մի մասը։ Զուսպ, Եվա՛ ջան, զուսպ։ Քեզ էդքան գաջը չի սազում։

7. Յանա Դանիելյան

Էս Յանան նենց հաճելի արտաքին ուներ, ի՞նչ եղավ, որ թմրամոլի կախվածություն ձեռք բերեց «կասմեծիչկայից»՝ անհայտ է։ Ամեն դեպքում, քանի գնում ա, էն «101 դալմատիններ» մուլտֆիլմի Կրոելլային ա սկսում նմանվել։ Ընդ որում, անհաջող պլաստիկ վիրահատություններն ու սխալ ոճային լուծումներն էլ ավելի են սրում նրա կերպարի բացասական ընկալումը, դե իսկ կիլոգրամներով շպարը «հաղթական» վերջակետ է դնում այս ամենի վրա։

6. Մարինա Գրեգ

Զարմանում եմ էս աղջկա վրա, որովհետև, ունենալով հիանալի մարմին ու բավականին գեղեցիկ դեմք, նա «один-на-один» է մտել դիմափոշու հետ, ու այնպիսի տպավորություն է, որ պարտվել է այդ անհավասար դիմակայության մեջ։ Սա այն դեպքն է, երբ շպարի անհարկի չարաշահումը միայն վնասում է արտաքին տվյալներին ու կենդանի մարդուց դարձնում տիկնիկ, որը թաթախել են «պուդրայի» մեջ։

5. Սյուզի Մելիքյան

Սյուզի Մելիքյանը չի քսվում, ինքը կոնկրետ «գյաջվում ա», ու էդ էլ հերիք չի, մի բան էլ «գյաջելու» իրա բիզնեսն ա դրել ու ուրիշներին ա «գյաջում»։ Եթե դուք գոնե մեկ անգամ տեսնեք Սյուզի Մելիքյանին իրական կյանքում ու մոտիկից, ապա կհասկանաք, թե ինչի էին մեր նախնիները հարս տանելուց առաջ աղջկան տանում ու դեմքը լվանում, որ տեսնեն՝ ինչպիսին է նա իրականում։ Սյուզիի հետ եթե նույն հնարքը կիրառվի, ապա հետևանքներն ամենաանկանխատեսելին կլինեն։ Գումարած դրան՝ նրա քաշը մի երկու կիլոգրամով կպակասի։

4. Լիլիթ Հովհաննիսյան

Դեռ մի քանի տարի առաջ թվում էր, թե Լիլիթ Հովհաննիսյանը հայկական շոու բիզնեսի գաջի տիրուհին էր կամ էլ երգչուհու կարիերան համատեղում էր շինանյութի ներկրման բիզնեսի հետ։ Բայց ժամանակը ցույց տվեց, որ նրան գերազանցողներ էլ կհայտնվեն։ Բացի դրանից, այս ոչ այնքան պատվավոր շքերթում երկար ժամանակ առաջին հորիզոնականը զբաղեցնող Լիլիթ Հովհաննիսյանը զիջեց գաջեգործության իր դիրքերը շնորհիվ նրա, որ, այնուամենայնիվ, անսաց քննադատություններին ու նախ քչացրեց շպարի քանակը մի քանի կիլոգրամով ու սկսեց ավելի պրոֆեսիոնալ վիզաժիստների ծառայությունից օգտվել։ Բայցևայնպես, նույնիսկ այդ «բարեփոխումներից» հետո Լիլիթը շարունակում է չարաշահել շպարը, հատկապես իր տեսահոլովակներում ու դրա պատճառով գրեթե նույնքան արհեստական տեսք ունի, որքան նախկինում։

3. Տաթևիկ Ադումյան

Լինում են աղջիկներ, ովքեր շատ են քսվում, լինում են աղջիկներ, ովքեր անաստվածավարի շատ են քսվում, իսկ Տաթևիկ Ադումյանը քսվում ա «безбожно» շատ (ուզում եմ՝ պատկերացնեք «անաստվածավարի»-ի գերադրական աստիճանը)։ Ընդ որում, տնաշենի աղջիկն էն կարգի ա չարաշահում, որ գիշերը մութ անկյունում նրան տեսնես, կարող ես ինսուլտ ստանալ ու հետո մի հատ էլ ինսուլտ կստանաս, երբ ինքը ողջ էդ շպարը մաքրի։ Տաթևիկ Ադումյանի պարագայում գործը միայն պարզ չարաշահումով չի սահմանափակվում, այստեղ գործ ունենք տհաճության աստիճանի հասնող չարաշահման հետ։

2. Նանա

Էն որ ասում են՝ «не кожи, не рожи», է՜… հիմա սրան էլ գումարեք վուլգար շպար, որ ավելի շատ հարիր է միանգամայն այլ ոլորտի, քանի շոու բիզնեսին, ու կստանաք այն, ինչ պայմանականորեն կոչվում է Նանայի ոճ։ Դժվարանում եմ ասել անգամ, թե ինչն է առավել նյարդայնացնում. վառ ու չտեսավարի շատ քսված շրթնե՞րկը, թե՞ մարմնի մնացած մասերից գույնով էապես տարբերվող դեմքը (տոնալ քսուկների պատճառով), բայց մի բան հաստատ է. Նանան իր քյարթությունն ու վուլգարությունն անգամ շպարի միջոցով է կարողանում մատուցել, իսկ ավելի ճիշտ՝ դրա քանակության։

1. Լիկա Սալմանյան

Լիկա Սալմանյանն ինձ հիշեցնում է փոքր աղջկա, ով, տանը մենակ մնալով, մտել է մոր պայուսակի մեջ, գտել այնտեղ կոսմետիկան ու ինչքան ուժ ունի՝ պռտվել։ Էն որ ծնողները տուն են գալիս, մեկ էլ երեխեն դուրս ա գալիս դեմները՝ դեմքի կեսը շրթներկ, ոտքից գլուխ դիմափոշու մեջ թաթախված ու դնովի եղունգ-մեղունգներով։ Լիկայի մոտ իսպառ բացակայում է չափի զգացողությունը, ու նա այնքան արհեստական է, որ նույնիսկ փողոց այսպիսի թարթիչներով ու կուբամետրով քսված շրթներկով ու շպարով է դուրս գալիս։ Սենց որ շարունակի, էս 19 տարեկան աղջիկը մի 5 տարի հետո 47 տարեկանի տեսք ա ունենալու։

Աղբյուրը՝ BlogNews.am