Դատարանը սանկցիա կիրառեց Լուսինե Սահակյանի նկատմամբ. փաստաբանները բոյկոտեցին նիստը եւ լքեցին նիստերի դահլիճը
Հասարակություն
«Սասնա ծռերի» գործով դատական նիստի ժամանակ դատավոր Արտուշ Գաբրիելյանը դատական սանկցիա կիրառեց ամբաստանյալներից Սեդրակ Նազարյանի եւ Էդվարդ Առաքելյանի շահերի պաշտպան Լուսինե Սահակյանի նկատմամբ:
Դատարանը կդիմի Փաստաբանների պալատ՝ պաստաբանին պատասխանատվության ենթարկելու պահանջով:
Փաստաբան Լուսինե Սահակյանը ցանկանում էր միջնորդություն ներկայացնել, սակայն դատարանը թույլ չէր տալիս՝ նշելով, որ փաստաբանը այս փուլում չի կարող միջնորդություններ ներկայացնել: Այդուհանդերձ, Լուսինե Սահակյանը նշեց, որ միջնորդություններ ներկայացնելու համար հատուկ փուլ նախատեսված չէ, որից հետո ցանկանավ ներկայացնել իր միջնորդությունը: Դատարանը նախ սանկցիա կիրառեց նախազգուշացման տեսքով, այնուհետեւ որոշում կայացրեց դիմել փաստաբանների պա;ատ:
Որոշման հրապարակումից հետո ամբաստանյալների փաստաբանները բոլորը լքեցին նիստերի դահլիճը՝ բոյկոտելով դատական նիստը:
Փաստաբանների խոսքով, դատավոր Արտուշ Գաբրիելյանը խախտում է դատավարական օրենսգիրքը եւ ակնհայտ անօրինական գործողություններ է անում նիստի ընթացքում:
Բանն այն է, որ այսօրվա նիստի ընթացքում Արտուշ Գաբրիելյանը որոշում կայացրեց ամբաստանյալներից Արեգ Կյուրեղյանի շահերի պաշտպան ներգրավել հանրային պաշտպաններից Արմինե Ֆանյանին, որն այդ գործով պաշտպանում է ամբաստանյալներից Արմեն Բիլյանի շահերը: Արմինե Ֆանյանը դատարանում հայտարարեց, որ ինքը չի ցանկանում պաշտպանել Արեգ Կյուրեղյանի շահերը, քանի որ Արեգն իր պաշտպաններից չի հրաժարվել եւ չի ցանկանում նոր պաշտպան ունենալ:
Նշենք, որ պաշտպանները այդ հիմքով էին ցանկանում դատարանին միջնորդություն ներկայացնել, որն այդպես էլ չկարողացան ներկայացնել, քանի որ դատարանը թույլ չտվեց նրանց խոսել:
Դրանից հետո նրանք լքեցին նիստերի դահլիճը:
1
2
3
4
5
1
2
3
4
5
1
2
3
4
5
