Ղարաբաղի հարցով ԱՄՆ-ից նոր բանակցողը քիչ բան կփոխի, խնդիրն անձի մեջ չէ. քաղաքագետ
Քաղաքականություն
Ղարաբաղի հարցով նոր բանակցողների հետ պետք չէ բեկումների հույս կապել: Օգոստոսի 28-ին լրագրողների հետ հանդիպմանն այս մասին հայտարարեց Կովկասի ինստիտուտի տնօրեն, քաղաքագետ Ալեքսանդր Իսկանդարյանը:
Օրերս ԱՄՆ-ն ԵԱՀԿ Մինսկի խմբում նոր համանախագահ նշանակեց (մյուս երկու միջնորդ երկրներն են Ռուսաստանն ու Ֆրանսիան): Փորձառու դիվանագետ Ռիչարդ Հոգլանդին փոխարինեց Էնդրյու Շոֆերը, որն աշխատանքի փորձ ունի Ռուսաստանում, Մերձավոր Արեւելքի երկրներում եւ Աֆղանստանում, ինչպես նաեւ Կիպրոսում:
Հեռանալիս Հոգլանդը հրապարակեց ղարաբաղյան հակամարտության կարգավորման հարցով Մինսկի խմբի մոտեցումերը: Բայց այստեղ նույնպես ոչ մի նոր բան փնտրել պետք չէ. դրանք Մադրիդյան սկզբունքներն են, որոնք արդեն 10 տարի է՝ բանակցությունների աշխատանքային փաստաթուղթն են համարվում:
«Չժխտելով բոլոր երեք երկրների դիվանագետների պրոֆեսիոնալիզմը՝ պետք չէ մոռանալ, նրանց ազդեցության հնարավորությունը շատ ավելի փոքր է, քան երբեմն կարող է թվալ: Իհարկե՝ պետք չէ մեկ այլ ծայրահեղության գիրկն ընկնել ու հայտարարել, որ նրանք պարզապես աշխատավարձ են ստանում ու ոչինչ չեն անում: Բայց ամենաբարձր մակարդակը, որոնց հետ նրանք աշխատում են, ԱԳ փոխնախարարներն են: Նույնիսկ ո՛չ նախարարները, էլ չխոսենք պետությունների ղեկավարների մասին»,- ամփոփեց Իսկանդարյանը:
1
2
3
4
5
1
2
3
4
5
2
3
