Կլուծվի ԱԺ-ի ջեռուցման հարցը , կնորոգվի զորանոցը․ հատկացվելու է 53 միլիոն դրամ
Քաղաքականություն
Կառավարության վաղվա նիստում ԱԺ-ին 53 միլիոն դրամ կփոխանցվի խորհրդարանի զորանոցի և ջեռուցման հարցը կարգավորելու նպատակով։ Այս մասին Armday.am-ը տեղեկանում է կառավարության վաղվա նիստի օրակարգն ուսումնասիրելով։
Որոշման նախագիծը գործադիրին ներեկայացնում է ֆինանսների նախարար Վարդան Արամյանը։ Ըստ դրա՝ 2017 թ․կառավարության պահուստային ֆոնդից պետք է փոխանցել 53 միլիոն դրամ: Հատկացումը ներկայացվելու է բյուջետային ծախսերի տնտեսագիտական դասակարգման «Շենքերի և կառույցների ընթացիկ նորոգում և պահպանում» հոդվածով։
Նախագծով նախատեսվում է ՀՀ ԱԺ-ի մասնաշենքում գտնվող ՀՀ պետական պահպանության ծառայության զորանոցի և ՀՀ ԱԺ շենքի ջեռուցման համակարգի ընթացիկ նորոգման աշխատանքների իրականացման համար հատկացնել: ՀՀ պետական պահպանության ծառայության զորանոցը գտնվում է ծայրահեղ անմխիթար վիճակում:
Վթարային իրավիճակում է գտնվում նաև ԱԺ շենքի ջեռուցման համակարգը, որը 2016-2017թթ-ի ձմռան ամիսներին խոչընդոտել է աշխատակազմի բնականոն գործընթացը:
Հատկացվող գումարի 31 միլիոն դրամի շրջանակներում նախատեսվում է իրականացնել ՀՀ Ազգային ժողովի մասնաշենքում գտնվող ՀՀ պետական պահպանության ծառայության զորանոցի դռների, պատուհանների, պատուհանագոգերի, փականների փոփոխում և տեղադրում, զորանոցի երկու հարկերի առանձին կաթսաներով ջեռուցման սարքի տեղադրում, պատերի երեսապատման, ներկման աշխատանքներ, Էլեկտրահաղորդալարերի առանձին հատվածների և էլեկտրասարքերի փոխում:
22 մլիոն դրամի շրջանակներում նախատեսվում է իրականացնել ՀՀ Ազգային ժողովի ընդհանուր կաթսայատան, մայրուղու գծերի եւ ջերմային հանգույցների, վարչական շենքի և նոր մասնաշենքերի, վարչական շենքի կցակառույցի ջեռուցման համակարգերի մասնակի նորոգում:
Նախագիծը մշակվել է ՀՀ Նախագահի աշխատակազմի, ՀՀ Ազգային ժողովի աշխատակազմի և ՀՀ ֆինանսների նախարարության աշխատակազմի կողմից:
Նախագծի ընդունմամբ ակնկալվում է ունենալ ՀՀ պետական պահպանության ծառայության վերանորոգված զորանոց և ՀՀ Ազգային ժողովի վարչական շենքի, մասնաշենքերի և կաթսայատան անխափան գործող ջեռուցման համակարգ:
1
2
3
4
5
3
4
5
1
2
3
4
5
