Ալեքսանդր Արզումանյանը Դանիայի ԱԳ նախարարին ներկայացրել է Արցախի խնդիրը
Դանիայի Թագավորությունում Հայաստանի Հանրապետության նորանշանակ դեսպան Ալեքսանդր Արզումանյանը օրերս հանդիպում է ունեցել Դանիայի Թագավորության արտաքին գործերի նախարար Անդերս Սամուելսենի հետ:
ԱԳՆ-ից NEWS.am-ին հայտնում են, որ շնորհավորելով ՀՀ դեսպանին նշանակման կապակցությամբ՝ նախարար Սամուելսենը վերջինիս հաջողություն է մաղթել երկու երկրների միջեւ հարաբերություններն առավել սերտացնելուն ուղղված նրա կարեւոր առաքելության մեջ:
Շնորհակալություն հայտնելով ընդունելության եւ բարեմաղթանքների համար՝ դեսպանը վստահեցրել է, որ կներդնի առավելագույն ջանքերը տարբեր ոլորտներում փոխգործակցության զարգացման գործում:
Զրույցի ընթացքում մտքեր են փոխանակվել երկկողմ հարաբերությունների խորացման ուղիների շուրջ, ինչպիսիք են իրավապայմանագրային դաշտի ընդլայնումը, գործարար շրջանակների միջեւ կապերի խրախուսումը, միջխորհրդարանական շփումների ակտիվացումը, մշակութային փոխանակումների զարգացումը եւ այլն։ Զրուցակիցներն անդրադարձան նաեւ Հայաստան - Եվրոպական միություն փոխգործակցությանը:
Հանդիպման ընքացքում դեսպան Արզումանյանը Դանիայի ԱԳ նախարարին ներկայացրել է ղարաբաղյան հիմնախնդրի խաղաղ կարգավորման գործընթացում առաջընթացի ապահովման ուղղությամբ Հայաստանի եւ ԵԱՀԿ Մինսկի խմբի համանախագահների կողմից գործադրվող համատեղ ջանքերը:
1
2
3
4
5
3
4
5
2
3
4
5
