Զարուհի Բաբայան | Երգչուհու «Խոստովանությունը» եւ փոքրիկ Սոֆիի անկեղծ ցանկությունը

Երգչուհի Զարուհի Բաբայանին հանդիպեցի նոր տեսահոլովակի նկարահանման  առիթով: Հարցազրույցին ներկա էր նաեւ նրա դուստրը` Սոֆին:):
Մինչ երգչուհու վերջին նորություններին ծանոթանալը, առաջարկում եմ կարդալ փոքրիկ Սոֆիի մասին, ով անկեղծորեն խոստովանում է, որ սերիալում նկարահանվելն իրեն դուր չի գալիս, չի սիրում երգել, նրան պարն է հարազատ. «Ոնց չեմ սիրում երգե՜լ, բայց պարել շատ-շատ եմ սիրում: Ուզում եմ տարբեր մասնագիտություններ ունենալ. ապակու ու շորերի դիզայներ, պարուհի ու դերասանուհի: Հարսանիքների ժամանակ շատ սիրուն ձեւավորված բաժակներ եմ տեսել, որոշել եմ ես էլ ապակու դիզայներ դառնալ, համ էլ հագուստի դիզայներ, որ իմ հարսի շորը կարեմ::) Հիմա տիկնիկներիս համար շորիկներ եմ կարում: Նկարչության էի գնում, հիմա չեմ հասցնում, բայց մաման խոստացել է նորից տանել»:
Շարունակությունը ստորև

«Չեմ ուզում տխուր դերեր տանել»:)
Սոֆին այժմ 3-րդ սերիալում է նկարահանվում. «Ախր շատ տխուր ա, իմ եղբայրն ամբողջ օրը խաղում է, ուրախանում, իսկ ես գնում եմ նկարահանման, հետո էլ դաս եմ անում: Ահավոր շատ դաս են տալիս :)»: Դպրոցական առարկաներից առանձնացնում է կերպարվեստը, պարը, առողջ ապրելակերպն ու շախմատը. «Ոչ մի լուրջ առարկա»,- ավելացնում է Զարուհի Բաբայանը. «Ավելի հետեւողական եմ, որ լեզուներն ու մաթեմատիկան միշտ սովորի ու դասերին պատրաստ լինի: Տանը դաս անելու պրոցեսը չի սիրում, բայց չեմ կարծում, որ ծանրաբեռնում ենք իրեն: Իհարկե, կցանկանամ, որ հետագայում զբաղվի այն գործով, որը կսիրի: Երգել չի սիրում, չեմ էլ պնդում»:
Շարունակությունը ստորև

Իր տատիկի` Սոֆի Դեւոյանի բեմադրած «Արքայադստեր ծնունդը» պարային երաժշտական ներկայացման մեջ աղջնակն արքայադստեր կերպարում է եղել. «Պարելիս, փորձերի ժամանակ ընդհանրապես չեմ հոգնում, շատ հավես է, իհարկե, բեմում ավելի լավ է: Ավելի շատ սիրում եմ պարել, քան նկարահանվել: Եթե նորից առաջարկեն սերիալում խաղալ ու տխուր դեր լինի, հաստատ չեմ նկարվի: Երեք դերերս էլ շատ տխուր, լացակումած են եղել, չեմ ուզում էդպիսի դերեր տանել»:
Շարունակությունը ստորև

Ո՞վ է ընտանիքի ամենաճանաչված մարդը