Ալիևը սահմաններին նոր արկածախնդրություն է ձեռնարկել՝ այսպես մեծացնելով զոհերի թիվը, վարկաբեկելով սեփական բանակը...

Լևոն Մութաֆյանը ֆեյսբուքյան իր էջում գրում է. 

Չգիտեմ, Ջեյմս Ուորլիքը, Եվրոպական միության նախագահը միտումնաբա՞ր են հայտարարություններ արել՝ ազատագրված տարածքների վերադարձման պարտադիր լինելու և Ադրբեջանի տարածքային ամբողջականության մասին: Տուսկը, իհարկե, Բաքվում արբել է հյուրասիրության զգլխիչ բույրից, գուցե գեյ-քլաբ էլ տարած լինեն, այդ պատճառով էլ, տեսնելով դոլարների փայլփլող կապուկները, նման հայտարարություն է արել...

Բայց այդ երկուսն էլ չեն հասկացել, որ իրենց հայտարարություններով ազերիների գերեզմաններն են սկսել փորել... 

Խանդավառված այդ հայտարարություններով, Ալիևը սահմաններին նոր արկածախնդրություն է ձեռնարկել՝ այսպես մեծացնելով զոհերի թիվը, այսպես վարկաբեկելով սեփական բանակը... Հայտարարում են 40 գերի ընկած ասկյարի մասին, սպանված դիպուկահարի մասին, ութ ծանր վիրավորի մասին... Դե, վաղվանից էլ կհայտարարեն, որ վիրավորներից մեկը մահացավ, հետո մյուսը մահացավ... Հա, նաև հայտարարում են, թե հայկական կողմն իբր 5 զոհ ունի... Անշուշտ, հավկուրություն ունեն...
Մի խոսքով, մեղքս տալիս են 18-20 տարեկան ազերիները... Պիտի իրենց հասկացնել, որ երբեք ոչինչ հետ չեն տալիս, ոչինչ չեն վերադարձնում: Պետք չէ անմտորեն զոհվել...

Հա, չմոռանամ հիշեցնել մեր խորհրդարանին ու իշխանություններին,. հարկավոր է քննարկման նյութ դարձնել 1994-ի բիշքեկյան համաձայնագիրը, չեղյալ համարել հրադադարի հաստատման մասին պայմանագիրը՝ հիմք ընդունելով Ադրբեջանի կողմից հրադադարի խախտման հազարավոր փաստերը: Եվ ամեն ինչ սկսել Շուշիի ազատագրմանը հաջորդող օրվանից...

Գուցե սա մի քիչ ուտոպիական է, բայց կարելի է փորձել...

Որքան շատ ես գոռում, Ալիևն այնքան շատ է փնտրում Մեհրիբան Ալիևայի բիկինին՝ այնտեղ թաքնվելու համար...