Մանոն եւ Սարգիսը՝ Սոֆիայում ու առանց երեխաների

Ամառը Սարգիս եւ Մանո Գրիգորյանների համար աշխատանքային է եղել՝ սերիալի նկարահանումներ ու, իհարկե, ընտանեկան բիզնես: Եվ միայն այս օրերին նրանք կարողացել են ճամփորդության մեկնել, այն էլ՝ ոչ միայն հանգստանալու նպատակով: Ինչպես BRAVO.am-ին հայտնել է դերասանուհին, ամուսնու հետ Սոֆիայում են:  

Սարգիս եւ Մանո Գրիգորյանները   «Այցի հիմնական նպատակը բուլղարահայ զույգի հարսանիքի կազմակերպումն է: Կարճ ժամանակով ենք այստեղ եւ առանց երեխաների: Բավական հետաքրքիր ժամանակ ենք անցկացնում. զբոսնել ենք քաղաքով, այցելել գեղեցիկ ու տեսարժան վայրեր եւ, ամենակարեւորը, նոր ընկերներ ենք ձեռք բերել»,-ասել է Մանոն եւ հավելել, որ հաճելի հիշողություններով են վերադառնալու Երեւան:   Մանո Գրիգորյանը   Նա պատմել է, որ ռեստորանում, որտեղ տեղի է ունեցել իրենց կազմակերպած հայկական հարսանիքը, կայացել է եւս մեկ հարսանիք՝ բուլղարական: Մանոյին շատ է զարմացրել սեղանների գրեթե դատարկ, բայց հյուրերի անչափ ուրախ լինելը.«Դա չէր խանգարում նրանց զվարճանալ:

Այստեղ մարդիկ թեթեւ են ապրում, շատերի դեմքին կա ժպիտ: Թերեւս մեկ բացասական բան եմ նկատել՝ բոլորը շատ են ծխում»:    Մանո եւ Սարգիս Գրիգորյանները   Դերասանուհին ցանկություն ունի կրկին այցելել Բուլղարիայի մայրաքաղաք. «Կմեկնենք երեխաների հետ եւ միայն հանգստի նպատակով: Ավելի շատ ժամանակ է պետք երկիրը լավ ճանաչելու եւ վայելելու համար: Ի դեպ, իմ տատիկն էլ բուլղարահայ է»:  Աղբյուրը՝ Bravo.am