Հայաստան-Մեծ Բրիտանիա փոխհարաբերությունների նոր շրջափուլ
BlogՄանվել Գասպարյանը ֆեյսբուքյան իր էջում գրում է .
«Ծառուկյան» դաշինքի առաջնորդ Գագիկ Ծառուկյանի պաշտոնական հրավերի շրջանակներում, Հայաստան էր ժամանել Մեծ Բրիտանիայի իշխող պահպանողական կուսակցության պատվիրակությունը, որը ղեկավարում էր տրանսպորտի նախարար, լորդ Մարտին Քալանանը: Բարգավաճ Հայաստան կուսակցության և պահպանողականների միջև սերտ համագործակցությունը հարուստ նախապատմություն ունի, ինչի շրջանակներում էլ խորհրդարանական ընտրությունների նախաշեմին Եվրոպայի պահպանողականների եւ ռեֆորմիստների դաշինքի նախագահ Յան Զահրադիլի գլխավորած պատվիրակությունը Հայաստան էր եկել իր օժանդակությունն ու բարեկամությունը հայտնելով «Ծառուկյան» դաշինքին:
Դեռևս այն ժամանակ որպես միասնական քաղաքական ընտանիք միջազգային համաժողովի շրջանակներում պատվիրակության անդամները ամենայն մանրամասնությամբ ուսումնասիրեցին «Ծառուկյան» դաշինքի նախընտրական ծրագրի առաջնային դրույթները, նշելով, որ իրենց ընտանիքի համար մեծ պատիվ է «Բարգավաճ Հայաստան» կուսակցության նման անդամ ունենալը:
Իսկ, օրերս Մեծ Բրիտանիայի իշխող պահպանողական կուսակցության պատվիրակության անդամների և «Ծառուկյան» դաշինքի պատգամավորների մասնակցությամբ անցկացվեց «Պահպանողականություն և առաջընթաց» կոնֆերանսը, որը միտված էր երկու կուսակցությունների համագործակցության միասնական օրակարգի հաստատմանը և դրա զարգացմանը:
Սա Հայաստան-Մեծ Բրիտանիա փոխհարաբերությունների համար մի նոր շրջափուլի սկիզբ է և ինչ խոսք Մեծ Բրիտանիայի նման գերտերությունն երկրի զարգացման իր փորձով և տեսլականներով կարող է օգտակար լինել մեր երկրին:
Գագիկ Ծառուկյանի Մեծ Բրիտանիա այցից հետո, սա պահպանողականների կուսակցության թվով արդեն երկրորդ այցն է Հայաստան, ինչը ցույց է տալիս, որ նրանք ևս հետաքրքրված են «Ծառուկյան» դաշինքի հետ նոր, առավել արդյունավետ գործունեություն ծավալելու համար, ինչը զարգացման նոր եզրեր կբացի մեր երկրի առջև:
Ինչպես ասում են, երկաթը տաք-տաք է պետք ծեծել:Ծառուկյանը այս սկզբունքով էլ շարունակում է իր գործունեությունը, որը վստահաբար արգասաբեր է լինելու մեր պետության համար, և որի պտուղները մենք կտեսնենք մոտ ապագայում:
1
2
3
4
5
2
3
4
5
1
2
3
4
5
