Երևանի Արարատ կոնյակի-գինու-օղու կոմբինատը ՝ լավագույն ավանդույթների շարունակող
Թեհմինե Մազմանյանը ֆեյսբուքյան իր էջում գրում է .
Ցանկացած երկրի պատմությունն ու մշակույթը հարուստ են ոչ միայն ճարտարապետական շինություններով, արձաններով, երգով ու մագաղաթով, այլ նաև հնուց եկած ու պահպանված կոմբինատներով, ֆաբրիկաներով։
Այս առումով Հայաստանի պատմության և մշակույթի մեջ բացառիկ և ուրույն տեղ ունի Երևանի Արարատ կոնյակի գինու-օղու կոմբինատը, որն այսօր Գագիկ Ծառուկյանի շնորհիվ շարունակում է տարիներ ավելացնել իր երկարատև պատմությանը։ Հասկանալի է, թե ընդամենը 26 տարվա պատմություն ունեցող պետության համար ինչպիսի նշանակություն ունի 140 տարվա պատմություն ունեցող կոմբինատը։ Այն խոսում է հայ ժողովրդի պատմության հարատևության մասին։
Աշխարհում ցանկացած պետություն կամ ժողովուրդ հպարտանում է արտադրության որևէ ոլորտում ունեցած իր ձեռքբերումներով և ավանդույթներով։ Ֆրանսիացիները հպարտանում են իրենց օծանելիքներով, գերմանացիները՝ իրենց մեքենաշինությամբ, բրիտանացիները՝ դասական ոճի հագուստով, իսպանացիները՝ գինեգործությամբ, շվեյցարացիները՝ ժամագործությամբ, կուբացիները՝ սիգարով և այլն։ Շարքը կարելի է շարունակել, բայց բոլոր ազգերին չէ տրված այդ հպարտության տեղիքը։ Այս առումով մենք հայերս այն բացառիկ ազգերից ենք, որ նույնպես հպարտանալու առիթ ունենք։ Կոնյակագործությունը մշտապես եղել է այն ոլորտներից, որով հայերը փայլել են ամբողջ աշխարհում։
Հայտնի է, որ ցարական Ռուսաստանում, այնուհետև ԽՍՀՄ տարածքում և ամբողջ Եվրոպայում հայկական կոնյակը ճանաչված է եղել իր անզուգական համով։ Հայկական կոնյակն են վայելել պետությունների առաջին դեմքերը, իսկ Մեծ Բրիտանիայի լեգենդար վարչապետ Ուիսնթոն Չերչիլի դեպքում հայկական կոնյակը նրա մշտական ուղեկիցն էր։
Այսօր բարեբախտաբար կա ոչ միայն պատմությունը, ոչ միայն ավանդույթները, այլ նաև այդ ամենը կյանքի կոչող ու մեր նախնիների գործը շարունակող կոմբինատը, որը Գագիկ Ծառուկյանի ջանքերի շնորհիվ անմխիթար ու ավերակ վիճակից վերածվեց ժամանակակից տեխնոլոգիաներով հագեցած ու անզուգական համով հայկական կոնյակ արտադրող կոմբինատի, որով այսօր իրավամբ կարող է հպարտանալ յուրաքանչյուր հայ։
Կոմբինատը Գագիկ Ծառուկյանի շնորհիվ այսօր իր արժանավոր տեղն ունի Հայաստանի տնտեսության մեջ, որի ապրանքը սպառվում է ինչպես Հայստանում, այնպես էլ արտերկրում։ Ավելին, Երևանի Արարատ կոնյակի գինու-օղու կոմբինատը արդեն երկար տարիներ համարվում է Մոսկովյան Կրեմլի պաշտոնական մատակարարը, ինչը խոսում է կոմբինատի արտադրած խմիչքի անգերազանցելի որակի մասին։
Երևանի Արարատ կոնյակի գինու-օղու կոմբինատը նաև մշակութային ժառանգություն է, որը հանդիսանում է մեր երիտասարդ պետության այցեքարտերցի մեկը։ Ամեն տարի այստեղ են այցելում բազմաթիվ զբոսաշրջիկներ, պաշտոնական հյուրեր և այցելուներ, որոնք հեռանում են խոր տպավորություններով։ Եվ այս ամենը շնորհիվ «Մուլտի Գրուպ» կոնցեռնի հիմնադիր Գագիկ Ծառուկյանի։
Իր հերթին Գագիկ Ծառուկյանը ամեն ինչ անում է, որպեսզի կոմբինատը շարունակի տասնամյակներով դեպի մեզ հասած ավանդույթները՝ դրանք համալերով նոր ձեռքբերումներով։
1
2
3
4
5
1
2
3
4
1
2
3
5
